| e-texts navigator |
| Wylie |
344b1 འཐད་པ་ཡི་གནས་དག་ཏུ།། དམ་ཚིག་སེལ་མེད་ཚོགས་འཁོར་དེ།། སྔོན་འགྲོ་ལས་དྲུག་རྫོགས་བྱས་ནས།། དཀྱིལ་འཁོར་བསྐྱེད་དང་སྤྱན་དྲངས་ཏེ།། བྱིན་གྱིས་བརླབས་ལ་ཚོགས་དྲངས་ནས།། མཆོད་པ་རྣམ
344b2 གསུམ་རྫོགས་པར་འབུལ།། ལྷ་གཤེགས་ལྷག་མར་རོལ་པ་དང་།། སྐྱེ་ཤི་དུས་ཀྱི་སྨོན་ལམ་ཡང་།། ལྟ་བའི་ངང་དུ་རྫོགས་པར་བྱ།། དེ་ཕྱིར་ཚོགས་གཉིས་དུས་གཅིག་རྫོགས།། དེ་ཡི་ཡོན་ཏན་བརྗོད
344b3 མི་ལང་།། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། མཐུན་འཇུག་ཐབས་ཀྱི་སྤྱོད་པ་བསྟན་པའི་ལེའུ་སྟེ་བཅུ་དྲུག་པའོ།། །། རྡོ་རྗེ་སེམས་དཔས་ཡང་ཞུས་པ།། ཐེ
344b4 ཚོམ་གེགས་རྣམས་བསལ་བའི་ཕྱིར།། གདམས་ངག་དོན་རྣམས་དབྱེ་བ་དང་།། འཁྲུལ་པ་བཟློག་པའི་རྟགས་གཉིས་གང་།། ཐིག་ལེ་ལ་ཤན་གེགས་གསལ་བའི།། ཡོན་ཏན་དོན་ལ་ཇི་ལྟར་རྫོགས།། ཀུན་རིག་རྒྱལ
344b5 པོས་བཤད་དུ་གསོལ།། ཞུས་པའི་དོན་གསན་བཀའ་སྩལ་པ།། ལྷ་སྒོམ་སྤྱོད་པ་འབྲས་བུ་ཡི།། གདམས་ངག་དབྱེ་བ་ཉི་ཤུ་བཞི།། ངོ་བོ་ལ་སོགས་དྲུག་དྲུག་ཏུ།། དབྱེ་བ་གཅིག་ཏུ་རྟོགས་པའི་ཚེ།། མི་ཡི་ལུས་ལ
344b6 སངས་རྒྱས་ཐུགས།། དེ་ཡི་ཡོན་ཏན་བསམ་མི་ཁྱབ།། དེ་ཡང་འདུས་པའི་སྙིང་པོ་ཉོན།། དང་པོ་འཁྲུལ་པའི་གཞི་ཤེས་བྱ།། མ་རིག་ངར་འཛིན་འཁྲུལ་པ་སྟེ།། མ་སྤངས་རང་སར་གྲོལ་བའི་ཕྱིར།། འཁྲུལ་ལྡོག་རྟགས
iiif viewer powered by OpenSeadragon
