| e-texts navigator |
| Wylie |
344a1 དམ་ཚིག་མཆོག། དེ་ཡང་འདུས་པའི་འཁོར་རྣམས་ཉོན།། སྙིང་པོ་ཆོས་སྐུ་རང་གསལ་དོན།། མ་བསྒོམས་འབྲལ་མེད་ཡེ་ཤེས་ཀློང་།། རང་སེམས་ཤེས་པ་སྣ་ཚོགས་པས།། གང་ཡང་ཡེ་ཤེས་ལས
344a2 གཞན་མེད།། ཐ་མལ་རང་སེམས་ཆོས་ཉིད་ནི།། ད་ཡང་མི་འགྱུར་ངོ་བོར་སོན།། དག་དང་མ་དག་གཞི་ལ་མེད།། དུས་དང་སྤྱོད་ལམ་ཉིད་དུ་ཡང་།། ཀྲི་ལེ་ཡི་ནི་རྣམ་བཞི་ནི།། རྟོགས་པའི་གདེང་དང
344a3 མི་འབྲལ་ན།། མི་རྟོག་ཐབས་ཀྱིས་ཅི་ཞིག་བྱ།། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། བསྒོམ་དུ་མེད་པར་ལ་བཟླ་བའི་ལེའུ་སྟེ་བཅོ་ལྔ་པའོ།། །། ད་ཡང་འདུས
344a4 པའི་སྙིང་པོ་ཉོན།། རྫོགས་ཆེན་ཤིན་ཏུ་རྣལ་འབྱོར་པ།། བླ་མེད་གོ་འཕང་མཆོག་བརྙེས་པའི།། བླ་མ་དུས་གསུམ་སངས་རྒྱས་དཔལ།། དཀྱིལ་འཁོར་སྒོར་ཞུགས་འབྲལ་མེད་ལྷ།། མན་ངག་རྒྱུད་དོན་རང་རིག
344a5 ལྷ།། རྩོལ་མེད་རྣལ་འབྱོར་མཁའ་འགྲོ་ལ།། ལུས་ངག་ཡིད་ཀྱིས་ཕྱག་འཚལ་ཏེ།། དགོངས་པ་དོན་གྱིས་བརླབས་པའི་ཕྱིར།། ཆེད་དུ་རྩོལ་བ་མི་དགོས་ཏེ།། ཕྱི་ཡི་མཆོད་གཏོར་གཏོང་བའི་ཚེ།། བྱིན་བརླབ་དྲུག་དང
344a6 སྨོན་ལམ་བཏབ།། ཉན་བཤད་ཁ་ཏོན་ལ་སོགས་རྣམས།། དཀར་པོའི་ཆོས་སྤྱོད་གང་བྱེད་ཀྱང་།། བལྟ་བ་དྲན་པས་ཚོགས་སུ་འགྱུར།། ད་ཡང་འདུས་པའི་སྙིང་པོ་ཉོན།། ནང་གི་མཛད་སྤྱོད་ཚོགས་ཆེན་ནི།། ཡིད
iiif viewer powered by OpenSeadragon
