| e-texts navigator |
| Wylie |
343b1 བཞིན་དུ།། ཉམས་མེད་རིག་པའི་དོན་འདི་ལ།། ནད་གཅོད་སྡུག་བསྔལ་ཅི་བྱུང་ཡང་།། གདམས་ངག་དྲན་པ་གཅེས་པར་གསུངས།། སངས་རྒྱས་སེམས་ཅན་གཉིས་ཀའི་གོང་།། རྟོགས་དང་འཁྲུལ་པའི
343b2 བྱེ་བྲག་གིས།། མུ་བཞི་ཡ་བརྒྱད་གཅིག་ཏུ་ཤེས།། གོལ་ས་རྡུལ་ཙམ་མི་འབྱུང་བས།། དེ་ཚེ་ཆོས་སྐུ་ཟང་ཀ་མ།། མི་འགྱུར་བརྟན་པས་གསེར་བཞིན་ནོ།། ད་ཡང་རྡོ་རྗེ་སེམས་དཔའ་ཉོན།། འཇིག་རྟེན་དམན་པའི་སྤྱོད
343b3 པ་ནི།། སྲོག་གཅོད་མ་བྱིན་ལེན་པ་དང་།། མི་གཙང་སྤྱོད་དང་རྫུན་དུ་སྨྲ།། རེ་རེ་ལ་ནི་གཉིས་གཉིས་དང་།། གནང་དང་བཀག་པ་ཡོད་པའི་ཕྱིར།། བླང་དོར་སྐྱོན་གྱིས་མ་གོས་ཏེ།། གཞི་ལ་འཆིང་གྲོལ་མེད་པའི
343b4 ཕྱིར།། དཀར་པོའི་ཆོས་དང་སྡིག་ལ་སོགས།། གཉིས་ཀའི་འབྲས་བུ་མི་འབྱིན་ན།། དུག་ལྔ་ཡེ་ཤེས་ཤར་བ་ཡིན།། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། རིག་པའི་སྤྱོད
343b5 པ་གསང་བར་བསྟན་པའི་ལེའུ་སྟེ་བཅུ་བཞི་པའོ།། །། ད་ཡང་འདུས་པའི་འཁོར་རྣམས་ཉོན།། ཆེད་དུ་བསྒོམ་དུ་མེད་པའི་དཔེ།། ནམ་མཁའ་བསྒོམ་དུ་འཛིན་པ་འདྲ།། དེ་བཞིན་ཡོད་མེད་ཡུལ་ལས
343b6 འདས།། དེ་ཕྱིར་གཞི་ཤེས་བསྒོམ་མི་དགོས།། འགྲོ་དོན་འབྱུང་བའི་ཆོས་ཉིད་ཀྱི།། རྣལ་འབྱོར་སྤྱོད་ལམ་ཐམས་ཅད་དུ།། ནམ་མཁའ་ལྟ་བུའི་རྣལ་འབྱོར་དེ།། དོན་ལ་མི་འདའ་དམ་ཚིག་སྲུང་།། རང་རིག་མ་ཡེངས
iiif viewer powered by OpenSeadragon
