| e-texts navigator |
| Wylie |
342a1 བའི།། ངེས་དོན་སྤྱད་པ་ཇི་ལྟར་སྤྱད།། མཉམ་པའི་རྒྱལ་པོས་བསྟན་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། ང་ཡི་ཆོས་ཉིད་གནས་ལུགས་ནི།། དོན་གྱི
342a2 སྙིང་པོ་རང་བྱུང་ལ།། བག་ཆགས་མ་གོས་རྟོག་མེད་ཕྱིར།། འཁོར་འདས་འབྱུང་བ་གདོད་ནས་མེད།། རྒྱུ་རྐྱེན་མ་བསྐྱེད་ལ་སོགས་པའི།། རང་གི་ངོ་བོ་བཞི་ལྡན་པ།། སྙིང་པོ་ང་ཉིད་བསྒྲུབ་མཐར་ཕྱིན།། སྐྱེ་འཆི་མེད
342a3 པ་རང་བྱུང་སྐུ།། དེ་ཕྱིར་འཁོར་འདས་ལྟུང་དོགས་མེད།། རང་གསལ་ངོ་བོ་ཀུན་གྱི་གཞི།། རང་སེམས་སྙིང་པོ་མཚོན་འདོད་པའི།། ནམ་མཁའི་རྡོ་རྗེ་ང་ཡི་དཔེ།། སྐྱེ་བ་མེད་ཕྱིར་ཨ་དང་འདྲ།། དོན་མ་ཡིན་ཕྱིར
342a4 དཔེར་ནི་བསྟན།། དེ་ཡང་འདུས་པའི་སྙིང་པོ་ཉོན།། ངོ་བོ་ཉིད་ཀྱིས་ཆོས་སྐུ་ལ།། ཡོད་དང་མེད་པའི་རིགས་གཉིས་ཡོད།། ཚོགས་བརྒྱད་ཡུལ་ལས་ལྡོག་པའི་ཕྱིར།། ཡེ་ཤེས་ངོ་བོ་རང་བྱུང་སྐུ།། ཆོས་ཉིད་དག་པའི
342a5 མཚན་ཉིད་ནི།། ཕྱི་རུ་འདྲ་མིན་ལ་སོགས་པའི།། རང་གི་མཚན་ཉིད་ལྔ་འདྲའི་ཕྱིར།། སྐྱོན་གྱིས་མ་གོས་ཆོས་ཀྱི་སྐུ།། གང་ཡང་རུང་བ་ཅི་ལ་ཡང་།། སེམས་ཅན་འདུལ་ཕྱིར་མ་གཏོགས་པ།། ཡང་དག་དོན་དུ་མི་བྱའི
342a6 ཕྱིར།། དགག་བསྒྲུབ་མེད་པར་བཏང་སྙོམས་བཞག། དེ་ཡང་འདུས་པའི་སྙིང་པོ་ཉོན།། ཕྱི་རོལ་ཡུལ་གྱི་རང་བཞིན་ནི།། རྣམ་བཞི་ཕྱི་ལ་བར་སྣང་ནང་།། གསུམ་བྲལ་སྣང་བ་ཆོས་དབྱིངས་ལ།། གཅིག་པ་ཐ་དད
iiif viewer powered by OpenSeadragon
