| e-texts navigator |
| Wylie |
341b1 ཡིས།། སྐྲག་ཅིང་ཡ་ང་མེད་སེམས་ཀྱིས།། ཐེ་ཚོམ་ཡིད་གཉིས་མེད་པར་ནི།། འཁོར་འདས་རྩ་བ་ངོ་བོར་ཞུས།། དཔའ་བརྟུལ་ཆེན་པོའི་བརྩོན་འགྲུས་ཀྱིས།། ཕྱིར་མི་ལྡོག་པར་ཡིད་ཆེས་ནས།། ཡེངས་པ་མི་འབྱུང
341b2 རྒྱུན་མི་ཆད།། ད་ཡང་འདུས་པའི་སྙིང་པོ་ཉོན།། སེམས་ལས་མ་རྟོགས་དོན་མི་བཙལ།། དུག་ལྔ་མ་སྤངས་ཆོས་ཉིད་ཤེས།། དེ་ཤེས་མི་བསྒོམ་གོལ་ས་མེད།། ད་ཡང་འདུས་པའི་སྙིང་པོ་ཉོན།། རང་བྱུང་ཡེ་ཤེས་ཡིན
341b3 མིན་གྱིས།། དབྱེ་བ་རྣམ་པ་བཞི་ཡི་དོན།། ལུང་ལྡན་བླ་མའི་གདམས་ངག་གིས།། རང་སེམས་སྙིང་པོ་ཆོས་སྐུ་ནི།། བསྟན་ན་དེ་མ་ཐག་ཏུ་ཤེས།། མ་བསྟན་པར་དུ་ཤེས་མི་སྲིད།། ད་ཡང་འདུས་པའི་སྙིང་པོ
341b4 ཉོན།། རང་རིག་ཡེ་ཤེས་འོད་པོ་ཆེ།། འགྲོ་འོང་མེད་པར་འཁོར་བ་བརླག། མ་རིག་ལོག་པས་ཡེ་ཤེས་སྐྱེ།། འཁོར་བ་རུ་བཟློག་མྱ་ངན་འདས།། དེ་ཤེས་མ་བསྒོམས་ལྷུན་གྱིས་གྲུབ།། དོན་དང་མཐུན་པའི་ཉམས་མྱོང།
341b5 གིས།། བསྒོམས་ཀྱང་དེ་ཉིད་ངེས་ཤེས་སྐྱེ།། དེ་ཕྱིར་རྟོགས་པ་རབ་ཏུ་གཅེས།། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད་ལས། འཁྲུལ་པ་ལྡོག་པའི་ཐབས་བསྟན་པའི་ལེའུ་སྟེ་བཅུ
341b6 གཅིག་པའོ།། །། འཁོར་གྱི་སྙིང་པོས་ཡང་གསོལ་པ།། ངེས་དཔའི་དོན་དང་མཐུན་པ་ཡི།། ཕྱི་ནང་དུས་མཉམ་བལྟ་བ་གང་།། ཆོས་སྐུ་ཉམས་སུ་བླང་ཐབས་དང་།། རིགས་གསང་མཐུན་འཇུག་ལ་བཟླ
iiif viewer powered by OpenSeadragon
