| e-texts navigator |
| Wylie |
340b1 སེམས་མི་རྟོགས།། ཉམས་སུ་མ་བླངས་ཟིལ་མི་གནོན།། ད་ཡང་འདུས་པའི་སྙིང་པོ་ཉོན།། ཡུལ་ངན་མུན་སྲོས་ལོ་ཉེས་བཞིན།། ཞི་གནས་ལྷག་མཐོང་མ་འབྲེལ་ན།། རེས་འཇོག་འབྲས་བུ་གསུམ་མི་འབྱུང་།། དེ
340b2 ཕྱིར་འབྲེལ་མེད་རྣལ་འབྱོར་མིན།། འདྲལ་དང་བརྣངས་པ་འབོ་བ་བཞིན།། ལུས་ངག་ཡིད་ཀྱི་སྤྱོད་རྩིང་པས།། སྡུག་བསྔལ་སྒྲོ་སྐུར་གཟུང་འཛིན་འགྱུར།། ཕྱི་མ་ལས་ངན་རཱུ་ཏྲར་ལྟུང་།། རྒྱུས་མེད་ལོང་བ་གྲུ་མེད
340b3 བཞིན།། ཕྱག་རྒྱ་སྔགས་དང་ཏིང་འཛིན་ཉམས།། ཉེས་སྐྱོན་གསུམ་བྱུང་དོན་མེད་འཁྱམས།། དེ་ཕྱིར་གསང་སྔགས་སྤྱད་པར་དཀའ།། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི་རྒྱུད
340b4 ལས། ལྷ་སྤྱོད་ཉམས་པའི་ཉེས་པ་བསྟན་པའི་ལེའུ་སྟེ་བརྒྱད་པའོ།། །། རྡོ་རྗེ་སེམས་དཔའ་ཡང་ཉོན་ཅིག། འཁོར་འདས་དག་གི་ས་མཚམས་ནི།། རྒྱུད་ལུང་སྒྲེ་འདྲའི་སློབ་དཔོན་སེམས།། དྲང་དོན་གྲུབ
340b5 པ་ཐོབ་འདོད་ནས།། སྨན་གྱི་སྦྱོར་བ་ལ་སོགས་ཀྱིས།། ཐུན་མོང་ཡོན་ཏན་ལྔ་ལྡན་ཡང་།། རྣམ་སྨིན་ལུས་དང་མ་བྲལ་བར།། སངས་རྒྱས་ཡོན་ཏན་རྫོགས་འདོད་པ།། ཤིན་ཏུ་གཏི་མུག་སྨད་པའི་གནས།། བཅོམ
340b6 ལྡན་འདས་ཀྱང་རྩཝ་མཆོག་ཏུ།། རང་ལུས་བོར་ནས་སངས་རྒྱས་ན།། རྣམ་སྨིན་ལུས་དང་བཅས་པས་ནི།། འབྲས་བུ་མི་ཐོབ་སྨོས་ཅི་དགོས།། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་མེད་རིག་པའི
iiif viewer powered by OpenSeadragon
