| e-texts navigator |
| Wylie |
33b1 ཀྱང་བྱའོ།། སྐུ་གསུམ་ཛ་ལོག་ཆེན་པོ་ཞེས་ཀྱང་བྱའོ།། འབྲས་བུའི་ངང་ལ་གནས་པ་ཞེས་ཀྱང་བྱའོ།། ལོངས་སྐུའི་ཆོས་སྐུ་ཆེན་པོ་ནི་རྣམ་པར་སྣང་མཛད་ཆེན་པོའོ།། ལོངས་སྐུའི་ལོངས་སྐུ་རིགས་བཞིའོ།། ལོངས
33b2 སྐུའི་སྦྲུལ་སྐུ་ནི་སེམས་པ་དང་སེམས་མའོ།། དེ་རྣམས་ལ་མཚན་གྱི་བྱེ་བྲག་ནི། འབྲས་བུ་མངོན་དུ་གསལ་བ་ཞེས་བྱའོ།། སྐུ་གསུམ་རྣམ་པར་བཞག་པ་ཞེས་བྱའོ།། ལོངས་སྐུའི་སྐུ་གསུམ་མོ།། སྦྲུལ་སྐུའི་སྐུ་གསུམ
33b3 ནི། རིགས་བཞི་ཆོས་ཀྱི་སྐུའོ།། སེམས་དཔའ་སེམས་མ་ལོངས་སྐུའོ།། ཐུགས་རྗེའི་འོད་ཟེར་སྤྲུལ་པའི་སྐུའོ།། ཀྱེ་སེམས་དཔའ་ཆེན་པོ་དེ་ལ་ནི་ཐུགས་རྗེ་འབྱུང་བའི་སྐུ་གསུམ་ཞེས་ཀྱང་བྱའོ།། སྐུ་གསུམ་མཐའ་ལ
33b4 བསྐྱལ་བ་ཞེས་ཀྱང་བྱ། དེ་རྣམས་རྡོ་རྗེ་སེམས་དཔའི་ཐུགས་ལ་གནས་ཤིང་། སྟོན་པའི་དོན་མཛད་པས་འགྲོ་བ་འདུལ་བའི་སྐུ་གསུམ་ཞེས་བྱའོ།། ཀྱེ་གསང་བའི་བདག་པོ་ངེས་པར་ཟུང་ཞིག། ང་རྡོ་རྗེའི་སེམས་པ་ནི
33b5 སྦྲུལ་སྐུའི་ཆོས་སྐུའོ།། ང་ཡི་དབུ་ཡི་ཐོ་ཚུགས་དང་། མཛོད་སྤུའི་བུ་ག་དང་། ཤངས་ཀྱི་སྒྲོམ་ལ་སོགས་པ་རྣམས་ནས་སྐུ་འཇམ་དཔལ་དྲི་མེད་སྙིང་པོ་ལ་སོགས་པ་རྣམས་ནི་སྦྲུལ་སྐུའི་ལོངས་སྐུའོ།། ཐུབ་པ་དྲུག
33b6 དགའ་རབ་རྡོ་རྗེ་ལ་སོགས་པ་རྣམས་ནི་སྦྲུལ་སྐུའི་སྦྲུལ་སྐུའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྐུ་གསུམ་བྱེ་བྲག་བསྟན་པའི་ལེའུ་སྟེ་སོ་བཞི་པའོ།། །། དེ་ནས་ཡང་གསང་བའི
iiif viewer powered by OpenSeadragon
