| e-texts navigator |
| Wylie |
339b1 མེད་རིག་པའི་རྒྱུད་ལས། འཁོར་བ་དང་པོ་གང་ནས་བྱུང་བ་བསྟན་པའི་ལེའུ་སྟེ་ལྔ་པའོ།། །། ད་ཡང་རྡོ་རྗེ་སེམས་དཔའ་ཉོན།། ལྷ་ལོག་མུ་སྟེགས་རྣམ་གཉིས་དང་།། ཕྱི་རོལ་ཡང་དག་གསང་སྔགས
339b2 དང་།། གསང་ཆེན་འཁྲུལ་པ་ངས་བཤད་ཉོན།། ངོ་བོ་ངེས་མེད་གཞི་བྱས་ནས།། ལས་ཀྱི་རྒྱུ་འབྲས་མེད་འདོད་འཁྲུལ།། དོན་དེ་མི་འགྱུར་གཞི་བྱས་ནས།། ཁ་དོག་རྟག་པར་འདོད་པས་འཁྲུལ།། ད་ཡང་རྡོ་རྗེ་སེམས
339b3 དཔའ་ཉོན།། འོག་མའི་ལུང་ངན་རྐྱེན་ཕྲད་ནས།། བློས་འཆེལ་བལྟ་བ་རྣམ་པ་བཞིས།། ཉན་ཐོས་རང་རྒྱལ་ཡན་ཆད་ནས།། ཡོ་ག་མན་ཆད་ང་ཡི་གཏམ།། མཚན་མར་འཁྲུལ་ཕྱིར་ང་མི་རྟོགས།། རྒྱུད་ལུང་རྣལ་འབྱོར
339b4 ཆེན་པོ་ལས།། ང་ཚོལ་པས་འཁོར་ང་མི་རྙེད།། ང་མ་རྙེད་པས་སྣང་བ་འཇོལ།། གྲོལ་འདོད་ཐེག་པ་རྣམ་པ་བཅུས།། སྣང་བའི་རང་བཞིན་ཤེས་པ་ལས།། རང་སེམས་དོན་གྱི་སྙིང་པོ་ཡི།། གཞི་ཉིད་མ་ཤེས་འཁྲུལ
339b5 པའི་ཕྱིར།། མ་རྟོགས་མི་གྲོལ་ཤིན་ཏུ་འཆིང་།། རྫོགས་པ་ཆེན་པོ་འཁོར་བ་རྩད་ནས་གཅོད་པ། ཆོས་སྐུ་སྐྱེ་བ་མེད་པ་རིག་པའི་རྒྱུད་ལས་ཐེག་པ་འོག་མ་པའི་འཁྲུལ་ཚུལ་བཤད་པའི་ལེའུ་སྟེ་དྲུག
339b6 པའོ།། །། ད་ཡང་རྡོ་རྗེ་སེམས་དཔའ་ཉོན།། རང་བྱུང་སྙིང་པོའི་ཆོས་ཉིད་ནི།། མ་རྟོགས་ཆེད་དུ་དུག་ལྔ་བསྒོམ།། རྒྱུ་ཐུན་སྡུག་བསྔལ་ལྗོན་ཤིང་བཞིན།། སྤངས་པའི་རྟོག་པ་རྣམ་གསུམ་གྱིས།། རང་སེམས
iiif viewer powered by OpenSeadragon
