| e-texts navigator |
| Wylie |
339a1 གསོལ།། ཞུས་པའི་དོན་གསན་བཀའ་སྩལ་པ།། དེ་ལས་འཁྲུལ་པ་བྱུང་བ་ནི།། ཐོག་མའི་དུས་ཀྱི་མཐའ་དྲུག་གཉིས།། ཀུན་གཞིའི་རྣམ་ཤེས་ཚོགས་བརྒྱད་ཀྱང་།། རང་སེམས་ཡིན་ཏེ་ཆོས་སྐུ
339a2 མིན།། ཡར་ལྡན་མར་འཁྲུལ་འཁོར་འདས་བྱུང་།། དེ་ཡང་འདུས་པའི་སྙིང་པོ་ཉོན།། ཉི་མ་འཆར་ཀའི་མདངས་བཞིན་དུ།། དང་པོ་ཤེས་བཞིན་ལུང་མ་བསྟན།། ཆོས་ཉིད་བདག་གི་རྩལ་ཡིན་ཀྱང་།། ལུང་མ་བསྟན
339a3 ཕྱིར་རྐྱེན་དབང་གྱུར།། འཁོར་འདས་འབྱུང་བའི་དང་པོར་ནི།། འཁྲུལ་པའི་གཞི་ལ་སོགས་པ་ཡིས།། མ་རིག་ལས་འཁྲུལ་རྣམ་པ་བརྒྱད།། རྐྱེན་བཞིས་གཟུང་འཛིན་བློས་བཏགས་པས།། རྒྱུ་རྐྱེན་ཟུང་དུ་འཛོམ་པ
339a4 ཡིས།། རང་བྱུང་རིག་པའི་ངོ་བོ་ངེས།། དམུས་ལོང་ལྟ་བུར་རང་བསྒྲིབ་པས།། མི་ཤེས་འཁྲུལ་པས་འཁོར་བར་འཁྱམས།། དེ་ཡང་རྡོ་རྗེ་སེམས་དཔའ་ཉོན།། སྒོ་ལྔ་ལ་སོགས་ཚོགས་བརྒྱད་གྱིས།། རྟོག་པས་བྱེ་བྲག
339a5 འཛིན་སྐྱོང་བཞིན།། འཁོར་བའི་བག་ཆགས་བརྟས་པར་བྱེད།། དེ་ཕྱིར་རྣམ་ཤེས་ཚོགས་བརྒྱད་དག། ཡང་དག་མ་ཡིན་འཁོར་བའི་ཆོས།། གནས་འགྱུར་ཆོས་སུ་བསྟན་པ་ཡང་།། བཀྲི་དྲང་ལྡེམ་དགོངས་བསྟན་པར
339a6 ཟད།། དེ་ཕྱིར་ཀུན་གཞི་འདུས་བྱས་ཏེ།། གཉེན་པོ་གཞི་ཡིས་འཇིག་པ་དང་།། བག་ཆགས་ཆགས་པའི་རྟེན་བྱེད་པས།། ཡང་དག་མ་ཡིན་འཁོར་བ་བྱུང་།། རྫོགས་པ་ཆེན་པོ་འཁོར་བ་རྩད་ནས་གཅོད་པ། ཆོས་སྐུ་སྐྱེ
iiif viewer powered by OpenSeadragon
