| e-texts navigator |
| Wylie |
338b1 དོན་གཞི་ཡི་མན་ངག་གིས།། ཅི་སྤྱོད་རང་བྱུང་ཡེ་ཤེས་ཤར།། ཐོག་མ་མ་ཡིན་ཐ་མ་མེད།། ད་ལྟའི་ཤེས་པ་འདི་ཉིད་ལས།། བཟང་པོར་སོང་བ་གང་ཡང་མེད།། ཡིད་ཆེས་ཆོས་སྐུ་ཁ་མིག་ཅན།། དེ་ཕྱིར་འཁོར་འདས
338b2 མ་བྲལ་ཕྱིར།། ཕྱི་ནང་སྣོད་བཅུད་ཀུན་གྱི་གོང་།། སངས་རྒྱས་སེམས་ཅན་གཉིས་པས་སྔ།། བལྟར་མེད་ངོ་བོ་ཀུན་གྱི་གཞི།། ནམ་མཁའ་ཉི་མ་རིན་པོ་ཆེ།། ས་གཞི་རྒྱ་མཚོའི་རི་བོ་བཞིན།། མཐའ་དབུས་མ་དཔྱད
338b3 རང་གི་སེམས།། གསལ་ལ་མ་བསྒྲིབས་ཆོས་ཀྱི་སྐུ།། ཡོན་ཏན་འབྱུང་བ་ལྷུན་གྱིས་གྲུབ།། འཁོར་འདས་བསྐྱེད་ཕྱིར་ཀུན་གྱི་གཞི།། གཡོས་པ་མེད་པས་བསམ་མི་ཁྱབ།། འགྱུར་བ་མེད་ཕྱིར་འདུ་འབྲལ་མེད།། ད
338b4 ཡང་འདུས་པའི་སྙིང་པོ་ཉོན།། རྣལ་འབྱོར་དམ་པའི་ལས་ཅན་གྱིས།། ཡིད་ཀྱི་ངོ་ཤེས་དོན་རྟོགས་པས། ཀུན་བཟང་ཆོས་སྐུ་ད་ལྟ་དང་།། དམན་པའི་ལུས་ལ་སངས་རྒྱས་ཡིན།། རྫོགས་པ་ཆེན་པོ་འཁོར་བ་རྩད་ནས
338b5 གཅོད་པ། ཆོས་སུ་སྐྱེ་མེད་རིག་པའི་རྒྱུད་ལས། དོན་ཆོས་ཉིད་ཀྱི་གནས་ལུགས་བསྟན་པའི་ལེའུ་སྟེ་བཞི་པའོ།། །། རྡོ་རྗེ་སེམས་དཔས་ཡང་ཞུས་པ།། ཆོས་ཉིད་ངོ་བོ་གནས་ལུགས་ལས།། ཚོགས་བརྒྱད་འཁོར
338b6 བ་གང་ནས་བྱུང་།། མུ་སྟེགས་ཕྱི་རོལ་ཡང་དག་དང་།། གསང་སྔགས་གསང་ཆེན་ཇི་ལྟར་འཁྲུལ།། གླེན་བསྒོམ་སྤྱོད་པའི་ཉེས་པ་གང་།། ལས་སྒྲིབ་འཁོར་བ་གང་ན་གནས།། ཀུན་རིག་རྒྱལ་པོས་བཤད་དུ
iiif viewer powered by OpenSeadragon
