| e-texts navigator |
| Wylie |
338a1 པས་འཛིན་རྟོག་ནུབ།། ལུང་དོན་རྟོགས་པས་རྟོག་པ་བྲོས།། འཁོར་འདས་འབྱུང་བ་རྣམ་དག་བཅོམ།། སྤང་སྡུད་གཉིས་པོ་འཆོར་མེད་བཟུང་།། རྟག་ཆད་ཞེན་པ་རྡུལ་དུ་བརླག། མཐོ་རིས་ངན་སོང
338a2 རྫུན་དུ་སོང་།། ཆགས་སྡང་སྐྱེས་ཤིང་ཏིང་འཛིན་གསལ།། གཡེང་བ་ཆེན་བདེ་ཆེན་རྒྱས།། དེ་ཡང་འདུས་པའི་སྙིང་པོ་ཉོན།། ཤེས་རབ་ལྟ་བ་འདི་མེད་ན།། འགྲོ་དོན་སྙིང་རྗེ་ཅི་སྤྱད་ཀྱང་།། བྱས་པ་དོན་མེད་བདུད
338a3 ཀྱི་ལས།། ཚོགས་སུ་མི་འགྱུར་ཚེ་ཆད་གནས།། དེ་ཕྱིར་རྟོགས་པ་ཤིན་ཏུ་གཅེས།། རྫོགས་པ་ཆེན་པོ་འཁོར་བ་རྩད་ནས་གཅོད་པ།། ཆོས་སྐུ་སྐྱེ་མེད་རིག་པའི་རྒྱུད་ལས། དཔེ་དོན་ཁྱད་པར་གྱི་ལེའུ་སྟེ་གསུམ
338a4 པའོ།། །། ད་ཡང་རྡོ་རྗེ་སེམས་དཔའ་ཉོན།། འགྲོ་དྲུག་སེམས་ཅན་ཐམས་ཅད་ལ།། རང་བྱུང་ཡེ་ཤེས་སྙིང་པོ་ནི།། རྟོགས་དང་མ་རྟོགས་མེད་པར་གནས།། དེ་ཡི་དེ་ཉིད་མཚོན་པའི་དཔེ།། བར་སྣང་ཁྱུང་ཕྲུག་ཁུ
338a5 བྱུག་དང་།། སེང་ཕྲུག་པདྨ་དངུལ་རྡོ་བཞིན།། ངོས་གཟུང་མེད་ལ་རྐྱེན་མི་ཚུགས།། མངལ་ན་ཆོས་སྐུ་ཡེ་ཤེས་གནས།། ངོས་ཟིན་ལྷ་དམན་ཟིལ་གྱིས་གནོན།། བསྟན་མ་ཐག་ཏུ་ཡེ་ཤེས་སྐུ།། ཉོན་མོངས་ནང་ནས་རང
338a6 བྱུང་གསལ།། རྩོལ་མེད་རང་ཆས་ཡེ་ནས་གནས།། དེ་ཕྱིར་གཞི་ནི་འགྱུར་བ་མེད།། དེ་ཡང་རྡོ་རྗེ་སེམས་དཔའ་ཉོན།། སངས་རྒྱས་དགོངས་པ་བརྟག་དཀའ་ཡང་།། སེམས་ཅན་བློ་ཡིས་དོན་རྟོགས་ཐབས།། དགོས
iiif viewer powered by OpenSeadragon
