| e-texts navigator |
| Wylie |
337b1 དུ་བརྗོད་པའི་ལེའུ་སྟེ་གཉིས་པའོ།། །། དེ་ནས་ཀུན་རིག་རྒྱལ་པོ་ལ།། འཁོར་གྱི་སྙིང་པོས་འདི་སྐད་གསོལ།། རང་བྱུང་དོན་གྱི་གནས་ལུགས་ཀྱིས།། དཔེ་དང་དོན་གྱི་ཁྱད་པར་དང་།། ཡིད་ཆེས་མི་འགྱུར
337b2 གནས་ལུགས་གང་།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། ཀུན་རིག་སེམས་ཀྱི་རྒྱལ་པོ་ཡིས།། དཔེ་དོན་ཁྱད་པར་བཀའ་སྩལ་པ།། འབྱུང་ལྔས་གར་ཁྱབ་སེམས་ཀྱིས
337b3 ཁྱབ།། འབྱུང་བ་ལྔ་ལ་རིག་པ་མེད།། དེ་ཕྱིར་འབྱུང་ལྔ་བྱང་ཆུབ་སེམས།། ཕྱོགས་འགའ་འདྲ་བ་དཔེ་རུ་བསྟན།། རྒྱ་མཚོའི་དཀྱིལ་ནས་མེ་འབར་བ།། གཅིག་གིས་གཅིག་ལ་གནོད་མི་ནུས།། དེ་བཞིན་མ་རིག་ཡེ
337b4 ཤེས་ཀྱི།། ཐོག་མཐའ་རྩ་བ་མ་ཆོད་ན།། མྱང་འདས་ཡོན་ཏན་མི་འབྱུང་ཕྱིར།། འཁོར་བ་ཟིལ་གྱིས་ཅི་ལ་ནོན།། དཔེར་ན་ཁྱུང་ཆེན་རིན་ཆེན་གྱིས།། མཚོ་ཉིད་བདུད་རྩིར་གྱུར་པ་ལྟར།། སངས་རྒྱས་པས་ཀྱང་སེམས
337b5 ཅན་གཉེན།། སེམས་ཅན་དུས་ན་མ་རྟོགས་ན།། དུག་ལྔ་རང་གྲོལ་ཅི་ལ་འོང་།། མཉམ་བཞག་པས་ཀྱང་རྗེས་ཐོབ་གཙོ།། རྗེས་ཐོབ་ལྟ་བར་མ་ཤེས་ན།། ཐུན་མཚམས་བསྒོམ་པས་སངས་མི་རྒྱ།། ལུང་ལ་བརྟེན་ནས
337b6 རྟོགས་པ་ཡིས།། དུས་བཞིའི་གདམས་ངག་མ་ཤེས་ན།། ཡེ་ཤེས་འབྲལ་མེད་ཅི་ལ་འཆར།། དེ་ཕྱིར་ལུང་ལྡན་གདམས་ངག་གིས།། བར་དོ་ལྔ་ཡི་དོན་རྟོགས་པས།། སངས་རྒྱས་རྒྱལ་པོ་ཡེ་ཤེས་སྐུ།། འདི་དོན་རྟོགས
iiif viewer powered by OpenSeadragon
