| e-texts navigator |
| Wylie |
337a1 ཉོན།། ཆོས་ཉིད་གནས་ལུགས་ངོ་བོ་ལ།། རང་བྱུང་ཡིན་ཕྱིར་ཐོག་མཐའ་མེད།། འཁོར་འདས་གཉིས་ལ་ཐོག་མཐའ་ཡོད།། དུས་གཅིག་ཆོད་པར་ཏ་ལ་བཞིན།། འཁྲུལ་དང་རྟོག་པ་ཡོད་པའི
337a2 ཕྱིར།། མུན་དང་ཆགས་འཇིག་ནམ་ལངས་འདྲ།། ད་ཡང་འདུས་པའི་སྙིང་པོ་ཉོན།། འཁོར་བའི་རྒྱུ་ནི་རྣམ་གཉིས་ཏེ།། གཟུང་འཛིན་ཞེན་རྟོག་གཞི་རུ་སྣང་།། རས་དཀར་ལ་ནི་སྣུམ་ཞེན་འདྲ།། བག་ཆགས་བརྟས
337a3 ཕྱིར་ཀུན་གཞི་ཡིན།། ཡེ་ཤེས་མྱ་ངན་འདས་པའི་རྒྱུ།། ལུང་ལྡན་རྐྱེན་གྱི་གདམས་ངག་གིས།། ཤེས་རབ་ལྷག་མཐོང་ལས་བྱུང་བ།། ཐིག་ལེ་ཆོས་ཀྱི་སྐུ་ཞེས་བྱ།། དེ་ཡང་རྡོ་རྗེ་སེམས་དཔའ་ཉོན།། གཉིས་ཀའི་རྒྱུ་ཡི
337a4 རྒྱུ་རུ་ནི།། རང་བྱུང་ངོ་བོ་ཉིད་ཀྱི་སྐུ།། ཡེ་ཤེས་རྒྱུ་ལ་སོགས་པ་ལྔ།། མི་གནས་ཡེ་ཤེས་དོན་རྟོགས་པས།། འཆིང་གྲོལ་དགེ་སྡིག་གཉིས་ཀྱི་ཆོས།། གཞི་ལ་གཉིས་ཀ་གདོད་ནས་མེད།། དེ་ཕྱིར་ཐིག་ལེ་ཉག་གཅིག
337a5 གོ།། རྣལ་འབྱོར་གདེང་དུ་དེ་འཆང་ན།། དེ་ལ་བསྒོམ་བསྒྲུབ་མ་བྱས་ཀྱང་།། གཅིག་ལས་ཤེས་པ་ཀུན་ཤེས་པས།། འབྲས་བུ་སངས་རྒྱས་སྨོས་ཅི་དགོས།། དེ་ལས་གཞན་པའི་དོན་མེད་ཕྱིར།། ལྷུན་གྱིས་རྫོགས་པའི
337a6 ཆོས་སྐུ་ལ།། སྐྱེ་ཤིའི་སྡུག་བསྔལ་མི་འབྱུང་བས།། གཞི་ལས་མི་འགྱུར་གསེར་བཞིན་ནོ།། རྫོགས་པ་ཆེན་པོ་འཁོར་བ་རྩད་ནས་གཅོད་པ། ཆོས་སྐུ་སྐྱེ་མེད་རིག་པའི་རྒྱུད་ལས། གསུང་བར་ཞལ་གྱིས་བཞེས་ཏེ་ཆེད
iiif viewer powered by OpenSeadragon
