| e-texts navigator |
| Wylie |
336b1 ན།། རྫོགས་ཆེན་ངེས་དོན་ཡང་སྙིང་ལ།། དད་ལྡན་རྣམས་ནི་འདི་ལ་འཇུག། དེ་ཚེ་རྫོགས་ཆེན་བསྟན་པ་འབྱུང་།། དེ་དུས་ངེས་དོན་འཆད་པ་ལ།། ལྷ་དམན་ལ་སོགས་དགྲ་ལྔ་འབྱུང་།། ཉེས་པ་བཞི་ཡིས་གནོད
336b2 བསམས་ཀྱང་།། ཚམ་ཚོམ་མེད་པར་འཆད་ནུས་ན།། བདེ་གཤེགས་མཁའ་འགྲོས་བྱིན་གྱིས་བརླབས།། གནོད་པས་མི་ཚུགས་བསོད་ནམས་འཕེལ།། དེ་ཚེ་མུ་སྟེགས་ལ་སོགས་རྣམས།། རང་རང་བརྐམ་ཆགས་རྩོད
336b3 འགྱུར་བས།། བཀྲ་མི་ཤིས་ཤིང་རང་བརླག་ནས།། འོག་མའི་བསྟན་པ་འཇིག་པར་འགྱུར།། དེ་ལྟ་བུ་ཡི་དུས་བྱུང་ཚེ།། གལ་ཏེ་ཚོགས་ལ་ཆོས་འཆད་ན།། ཉམས་དང་ལྐུགས་པ་ཞེ་འཁོན་རྣམས།། ཡོད་མེད་བཤེར་ལ
336b4 བཤགས་སུ་གཞུག། ཉམས་སུ་ལེན་པར་དམ་བཅའ་ལ།། གདམས་ངག་ཡང་སྙིང་ཚང་བར་བསྟན།། དེ་ལྟ་མིན་ལ་འདི་བསྟན་ན།། གནམ་ལྕགས་ས་ལ་བྱིང་བ་བཞིན།། མཁའ་འགྲོ་སྲོག་བཅད་ངེས་པར་ལྟུང་།། དེ
336b5 ཕྱིར་མ་བརྟགས་ཆོས་མི་བཤད།། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ་བ་མེད་པ་རིག་པའི་རྒྱུད་ལས། དོན་གྱི་གླེང་གཞི་བསྟན་པའི་ལེའུ་སྟེ་དང་པོའོ།། །། ད་ཡང་རྡོ་རྗེ་སེམས་དཔའ
336b6 ཉོན།། ང་ཡི་གསུང་གི་འོད་ཟེར་གྱིས།། མ་རིག་སེམས་ཀྱི་མུན་སེལ་བ།། སྒྲོན་མེའི་སྣང་བ་ཉི་བཞིན་ཤར།། ཡུལ་དང་མ་བྲལ་ཆོས་ཀྱི་སྐུ།། ངེས་དོན་མ་ནོར་གདམས་ངག་དྲུག། ལུང་ལྡན་སྟོན་པ་ངས་བཤད
iiif viewer powered by OpenSeadragon
