| e-texts navigator |
| Wylie |
336a1 རང་ཡན་བཏང་པ་ལས།། གོལ་མེད་ཡེ་ཤེས་ཤུགས་ལ་འཆར།། དེ་སྐད་གསུངས་པའི་དོན་གོ་ནས།། འཁོར་རྣམས་དགའ་མགུ་ཡི་རང་སྟེ།། དོན་གཞིའི་སྒོ་ནས་བསྟོད་བྱས་ནས།། སྣོད་ངན་དད་པས
336a2 བསྒོམ་པ་དང་།། སྐལ་ལྡན་རྟོགས་པས་ཆོག་པ་ཡི།། བྱེ་བྲག་སྟོན་པས་བཤད་དུ་གསོལ།། དོན་གསན་འཁོར་ལ་བཀའ་སྩལ་པ།། མ་རྟོགས་དད་པས་ཅི་བསྒོམས་ཀྱང་།། རང་སེམས་རྨུ་རྒོད་སྟོང་ཁམས
336a3 ཡན།། མངལ་གྱིས་སྒྲིབ་གཡོགས་ཁང་སྟོང་བསྲུང་།། མ་རྟོགས་བསྒོམས་པས་མི་གྲོལ་འཆིང་།། དེ་ཡང་འདུས་པའི་སྙིང་པོ་ཉོན།། ཡང་དག་དོན་གྱི་ངེས་དོན་འདི།། འཁོར་འདས་ཚིག་ཏུ་བརྗོད་དཀའ་བ།། ཆོས་སྐུ
336a4 ནམ་མཁའ་ལྟ་བུ་དེ།། ཀུན་ལ་ཁྱབ་ཀྱང་རྟོགས་པར་དཀའ།། ཨུ་དུམ་ཝ་རའི་མེ་ཏོག་བཞིན།། བརྒྱ་ལམ་འགའ་ལ་རེས་འགའ་ཙམ།། འབྱུང་སྲིད་ཀུན་གྱི་ཐུན་མོང་མིན།། དེ་ཕྱིར་སྣོད་ལྡན་ཕྲད་གྱུར་ནས།། བླ་མ་རྡོ
336a5 རྗེ་སློབ་དཔོན་ལ།། ཉན་བཤད་བསྒྲུབ་པ་དབང་ནོས་ནས།། མཆེད་ལ་སྲིང་ལྟར་གདུང་བྱེད་ཅིང་།། ཟོས་བསམ་བསྒོམ་པར་འདོད་པའི་ཕྱིར།། བྱང་ཆུབ་སྲོག་དང་བསྔོ་བ་ལ།། ངེས་དོན་མ་ནོར་གདམས་ངག
336a6 འདི།། མ་མཚོན་གོ་དང་མ་དཔྱད་རྟོགས།། དོན་ལྡན་མན་ངག་རིག་པའི་བློས།། བསྟན་ཏེ་གོ་བས་ངེས་པར་ཆོག། དེ་ཕྱིར་ལུང་བསྟན་བཞིན་དུ་སྟོན།། དེ་ཡང་རྡོ་རྗེ་སེམས་དཔའ་ཉོན།། ལན་ཅིག་དུས་ཀྱི་དེང་སང
iiif viewer powered by OpenSeadragon
