| e-texts navigator |
| Wylie |
335a1 མེད་རིག་པའི་རྒྱུད་ཅེས་བྱ་བ། བཅོམ་ལྡན་འདས་དཔལ་རང་བྱུང་ངོ་བོ་ཉིད་ཡེ་ཤེས་ཀྱི་སྐུ་དང་ལྡན་པ་ལ་ཕྱག་འཚལ་ལོ།། འདི་སྐད་གསུངས་པའི་དུས་གཅིག་ན། བཅོམ་ལྡན་འདས་འོག་མིན་གྱི
335a2 གནས་བྱང་ཆུབ་ཀྱི་སྙིང་པོ་ན་བཞུགས་པས། རིགས་ལྔ་ལ་ནི་སྐུ་གསུང་ཐུགས་གཟིགས་ནས། ཡེ་ཤེས་འཁོར་ལོའི་དགོངས་པ་ལས་གཡོས་པ་མེད་པར་སྙོམས་པར་གནས་སོ།། དེ་ཚེ་དུས་གསུམ་སངས་རྒྱས
335a3 དང་།། རྡོ་རྗེ་འཆང་གི་རིག་འཛིན་དང་།། ཕྱི་ནང་དམ་བཏག་ཆོས་སྐྱོང་དང་།། གཞན་ཡང་ལྷ་མི་ལ་སོགས་པ།། དབང་མེད་དད་པས་འདུས་པ་རྣམས།། རང་སེམས་རྟོགས་པར་འདོད་པའི་ཕྱིར།། དད་པའི་ཡིད་ཀྱིས
335a4 སེམས་དམད་ནས།། ཐབས་གཅིག་རིམ་པར་འཁོད་འགྱུར་ཏེ།། དེ་ནས་ཐུགས་ཀྱིས་གཟིགས་པའི་དོན།། རྡོ་རྗེ་སེམས་དཔས་དོན་རིག་སྟེ།། བསྐུལ་དོན་གསོལ་བཏབ་བརྩེར་དགོངས་ནས།། ཏིང་ངེ་འཛིན་གྱིས
335a5 གསོལ་བཏབ་པ།། འཇིག་རྟེན་མཁས་པ་རྫོགས་སངས་རྒྱས།། ཡེ་ཤེས་ཐུགས་རྗེ་ཆེན་པོ་ཡིས།། ཞི་གནས་ལ་ནི་འབྲལ་མེད་དོན།། ཆོས་ཉིད་གནས་ལུགས་ཇི་ལྟ་བ།། འཁྲུལ་པའི་བློ་ཡིས་རྟོགས་པའི་ཐབས།། ངེས
335a6 དོན་ཆོས་སྐུ་རང་ཆས་པ།། དུས་འདིར་བདག་ལ་བཤད་དུ་གསོལ།། རང་བྱུང་ངོ་བོ་ཉིད་སྐུ་དེས།། དོན་གསན་ཆོས་རྗེས་བཀའ་སྩལ་པ།། སངས་རྒྱས་དགོངས་པ་ཇི་ལྟ་བ།། འཁོར་འདས་མ་རིག་སྙིང་པོའི
iiif viewer powered by OpenSeadragon
