| e-texts navigator |
| Wylie |
334b1 ཚིག་གོ་ནས།། རྡོ་རྗེ་སེམས་དཔས་ཡང་གསུངས་པ།། སངས་རྒྱས་ཐུགས་ཀྱིས་བྱིན་བརླབས་པའི།། དགོངས་པ་མ་ལུས་བཅུད་འདུས་པའི།། དུས་གསུམ་སངས་རྒྱས་ཐུགས་ཀྱི་དོན།། གདམས་ངག་ཚད་མེད་ཉིད་ཁུ
334b2 འདི།། དད་ཉན་འཁོར་ལ་ངས་བཤད་ཀྱིས།། དོན་འདི་རྒྱུད་ལ་ཤིན་ཏུ་སྤོས།། ཡང་དག་ཉིད་དུ་སེམས་ཀྱིས་དཔྱད།། ཐིག་ལེ་ཉག་གཅིག་མངོན་ཕྱུང་བ།། ཆོས་ཀྱི་གཏེར་གྱི་འབྱུང་གནས་འདི།། སྣོད་ལྡན་རྣལ་འབྱོར
334b3 དོན་གྱི་མཆོག། དེ་ཡང་དད་ཉན་འཁོར་རྣམས་ཉོན།། གལ་ཏེ་ཕྱི་རབས་རྣལ་འབྱོར་བ།། དོན་འདི་སྟོན་ཅིང་བཤད་པའི་ཚེ།། དུས་གསུམ་སངས་རྒྱས་དབང་དུ་གཟུག། མཁའ་འགྲོ་རྣམས་ལ་ཆོས་སྲུངས
334b4 བཅོལ།། གིང་ལ་དམ་མེད་བཤན་པར་བསྐོས།། རྒྱལ་པོ་བཞི་ནི་མཚམས་པར་བཅུག། མན་ངག་གསང་རྒྱུད་འདི་སྟོན་ཚེ།། ལས་ཅན་སློབ་མ་དད་ལྡན་ལ།། གཞན་ལ་མི་སྟེར་མནའ་བོར་ཏེ།། མན་ངག་སྙིང་པོ་ཚང
334b5 བར་བསྟན།། ཚོགས་ཀྱི་མཆོད་པ་ཅི་ནུས་བྱ།། དེ་ལྟར་མ་བྱས་པར་ཆོད་འོང་།། ཞེས་གསུངས་སོ།། རྒྱུད་གཏད་པ་དང་མཛད་སྤྱོད་བསྟན་པའི་ལེའུ་སྟེ་བདུན་པའོ།། །། རྫོགས་པ་ཆེན་པོ་རིན་པོ་ཆེ་འཁོར་བ
334b6 རྩད་གཅོད་རྫོགས་སོ།། །། @#།། རྒྱ་གར་སྐད་དུ། མ་ཧཱ་སནྣི་སཾ་སྭ་ར་མཱུ་ལཙྪེ་ད་ན་དྷརྨ་ཀ་ཡ་ཨ་ནུཏྤནྣ་བིདྱཱ་ཏནྟྲ་ནཱ་མ། བོད་སྐད་དུ། རྫོགས་པ་ཆེན་པོ་འཁོར་བ་རྩད་ནས་གཅོད་པ་ཆོས་སྐུ་སྐྱེ
iiif viewer powered by OpenSeadragon
