| e-texts navigator |
| Wylie |
334a1 དང་མཉམ་ལས་ལྷག། དེ་ཕྱིར་གསང་སྔགས་འབྲས་བུ་ཆེ།། ཚེ་གཅིག་འབྲས་བུ་ངེས་པར་འབྱུང་།། དེ་བས་རང་སེམས་ཡེ་ཤེས་སྐུ།། དེ་ཡི་ཡོན་ཏན་བརྗོད་མི་ལངས།། དེ་ཉིད་སྟོན་པའི་ཡེ་ཤེས
334a2 ཀྱིས།། གཟུགས་མེད་རིག་པའི་ཡེ་ཤེས་དེ།། སངས་རྒྱས་རྒྱལ་པོ་ཆོས་ཀྱི་སྐུ།། ཡོན་ཏན་ཐམས་ཅད་མ་བཙལ་རྫོགས།། གདུལ་བྱ་མ་ངེས་གཟུགས་རྣམས་འབྱུང་།། དེ་ཚེ་སེམས་ཅན་ཐམས་ཅད་ལ།། ཡིད་བཞིན
334a3 དབང་པོར་གང་འཐད་སྟོན།། འབྱུང་བ་ཞིག་པའི་ནམ་མཁའ་ལ།། ལུས་དང་བྲལ་བས་སྒྲིབ་མི་གོས།། སྤྲིན་དང་ཁུ་རླངས་འབྱུང་མི་སྲིད།། དེ་བཞིན་རང་སེམས་སྙིང་པོ་ལ།། སེམས་ཅན་དོན་ཕྱིར་ཅི་སྤྱད
334a4 ཀྱང་།། སྒྲིབ་པ་གཉིས་ཀྱིས་མི་གོས་པས།། ཆོས་སྐུ་དག་ལ་ཉམས་པ་མེད།། ཅེས་གསུངས་སོ།། དེ་ནས་དུས་གསུམ་སངས་རྒྱས་དང་།། རིགས་གསུམ་འདུས་པའི་རྒྱལ་སྲས་འཁོར།། དད་ལྡན་ལ་སོགས་དཀྱིལ
334a5 འཁོར་གྱིས།། རང་སེམས་ལྷག་མཐོང་མངོན་གྱུར་ནས།། དགའ་བའི་སེམས་ཀྱི་ཡི་རང་སྟེ།། རང་རང་སེམས་ལ་གསལ་བའི་དོན།། རྟོགས་པ་བརྗོད་པའི་དོན་མཐུན་ནས།། འདུས་པའི་འཁོར་གྱིས་ཚིག་འདི
334a6 གསོལ།། འབྲས་བུ་སངས་རྒྱས་ད་ལྟ་མྱངས།། རང་སེམས་མ་དང་ཐུག་གིས་སྤྲད།། དེ་ཕྱིར་ད་ལྟ་ཀུན་བཟང་ཉིད།། རྡོ་རྗེ་སེམས་དཔའ་དགེ་བ་ཆེ།། འདྲེན་མཛད་ཁྱོད་ལ་བདག་ཕྱག་འཚལ།། དེ་སྐད་གསོལ་བའི
iiif viewer powered by OpenSeadragon
