| e-texts navigator |
| Wylie |
333b1 ཉིད་རྟོགས་པའི་ཡེ་ཤེས་དེ།། ཆོས་ཀྱི་སྐུ་ཡི་ལོངས་སྤྱོད་ཐུགས།། དྲན་རྟོག་དོན་དུ་ཤེས་པ་དེ།། ཆོས་ཀྱི་སྐུ་ཡི་སྤྲུལ་པའི་ཐུགས།། དེ་ཉིད་རྟོགས་པའི་ཡེ་ཤེས་ཏེ།། དོན་ལྡན་གཟུགས་ཀྱི་ཕུང་པོ་འདི།། ལོངས་སྤྱོད
333b2 རྫོགས་པའི་ཆོས་ཀྱི་སྐུ།། དབང་པོ་མ་འགགས་གསལ་བ་དེ།། ལོངས་སྤྱོད་རྫོགས་པའི་ལོངས་སྤྱོད་སྐུ།། བསྐུལ་བསྐྱོད་ཡན་ལག་གང་ཡིན་ནི།། ལོངས་སྤྱོད་རྫོགས་པའི་སྤྲུལ་པའི་སྐུ།། དོན་ལྡན་ཚིག་ཏུ་བརྗོད་པ
333b3 དེ།། སྤྲུལ་པའི་སྐུ་ཡི་ཆོས་སྐུར་གསུང་།། དངོས་མེད་ཚིག་ཏུ་གསལ་བ་དེ།། སྤྲུལ་པའི་སྐུ་ཡི་ལོངས་སྤྱོད་གསུང་།། ཚིག་ལ་བརྟེན་ནས་དོན་གོ་བར།། སྤྲུལ་པ་སྐུ་ཡི་ཐུགས་ཡིན་ཕྱིར།། ཐུགས་ཀྱི་ཐུགས་ཏེ་ཐུགས་ལ
333b4 རོལ།། སྐུ་ཡི་སྐུ་སྟེ་སྐུ་ལ་རོལ།། གསུང་གི་གསུང་སྟེ་གསུང་ལ་རོལ།། དེ་ཡང་སེམས་དཔའ་ཆེན་པོ་ཉོན།། ང་ཡི་སྐུ་གསུང་ཐུགས་ཉིད་ལས།། གང་ཡང་མེད་དེ་ཡེ་ནས་གོང་།། ང་ཡི་མཛད་སྤྱོད་ཅི་སྤྱད་པ།། རྣམ་སྨིན
333b5 ལུས་དང་མ་བྲལ་ཀྱང་།། པདྨ་དང་ནི་འདམ་བཞིན་དུ།། ཉེས་པ་ཀུན་གྱིས་གོས་པ་མེད།། ཕྱི་མའི་མཛད་སྤྱོད་ཆེན་པོ་ཡང་།། རང་སེམས་རྟོགས་པའི་རྣལ་འབྱོར་པར།། དུས་འདི་མ་ཡིན་ཕྱི་མ་ཡི།། བར་དོར་མངོན
333b6 སངས་རྒྱ་བ་ཉིད།། མངལ་གྱི་སྒྲིབ་གཡོགས་མེད་པའི་ཕྱིར།། ཀུན་ཏུ་བཟང་པོ་གུད་ན་མེད།། ཐུགས་ནི་ཆོས་སྐུ་ཉིད་ཀྱི་ཐུགས།། སྐུ་ནི་ཡེ་ཤེས་ཆེན་པོའི་སྐུ།། ཡེ་ཤེས་ལུས་ཅན་ཐམས་ཅད་མཁྱེན།། སངས་རྒྱས་ཀུན
iiif viewer powered by OpenSeadragon
