| e-texts navigator |
| Wylie |
333a1 མེད།། སངས་རྒྱས་སེམས་ཅན་གཅིག་ཏུ་བྱས།། མཐོ་རིས་ངན་སོང་རྫུན་དུ་སོང་།། འཁོར་བ་ཆོས་ཉིད་ངང་དུ་བརླག། ཉེས་པ་དག་པས་སྒྲིབ་པ་མེད།། གཉིས་སུ་མེད་པས་ཤེས་རབ་གསལ།། གཞི་ནི
333a2 མི་འགྱུར་གསེར་བཞིན་དུ།། ཡེ་ཤེས་མི་འགྱུར་བསྟན་པ་ཆེ།། དེ་ལྟར་རྟོགས་པས་ཡེ་ཤེས་ཉིད།། འབྲས་བུ་གཞན་ནས་བཙལ་མི་དགོས།། གདོད་ནས་བྱུང་བའི་ངོ་བོ་ཉིད།། འབྲས་བུ་སུ་ལ་མི་ལྟོས་པ།། ལུས་དང
333a3 བྲལ་བ་ཀུན་བཟང་ཐུགས།། གཞི་གནས་བག་ཆགས་མི་གོས་པས།། རྣམ་ལྔ་མི་གཡོ་ཡེ་ཤེས་སྐུ།། རྫོགས་པ་ཆེན་པོ་རིན་པོ་ཆེ་འཁོར་བ་རྩད་ནས་གཅོད་པའི་རྒྱུད་ལས། རང་བྱུང་གི་ཡེ་ཤེས་ཆེན་པོར་ལ་བཟླ་བའི
333a4 ལེའུ་སྟེ་དྲུག་པའོ།། །། སེམས་དཔའ་རྡོ་རྗེ་ད་ཉོན་ཅིག། ང་ཡི་མཛད་སྤྱོད་ཆེན་པོ་ནི།། སྟོང་གསུམ་འཇིག་རྟེན་ཐམས་ཅད་ནི།། ང་ཡི་བཞུགས་གནས་གཟིགས་མོའི་ས།། གཟུགས་ཉིད་སྐུ་ལ་སྒྲར་སྣང
333a5 གསུང་།། དྲན་རྟོག་ཐམས་ཅད་ང་ཡི་ཐུགས།། སྣང་སྲིད་ཀུན་གྱིས་ང་མ་མཐོང་།། མཐའ་ཡས་མིང་དུ་བཏགས་པ་རྣམས།། ང་ཡི་རོལ་པ་ལས་གཞན་མེད།། ང་ཡི་སྣང་བ་སྣ་ཚོགས་པ།། དོན་ལ་མེད་ཕྱིར་གཞིག་མི
333a6 དགོས།། སྤྲོས་ཀྱང་ང་ལ་བསྡུས་ཀྱང་ང་།། ང་ཡི་སྐུ་གསུང་ཐུགས་ལ་ནི།། འཁོར་བ་གདོད་ནས་མེད་པ་སྟེ།། དེ་ཡང་རྡོ་རྗེ་སེམས་དཔའ་ཉོན།། ཡེ་ནས་གནས་པའི་གཞི་ཉིད་ནི།། ཆོས་ཀྱི་སྐུ་ཡི་ཐུགས་སུ་བསྟན།། དེ
iiif viewer powered by OpenSeadragon
