| e-texts navigator |
| Wylie |
332b1 པོ་ཆེ་འཁོར་བ་རྩད་ནས་གཅོད་པའི་རྒྱུད་ལས། གདམས་ངག་མངོན་དུ་བསྟན་པའི་ལེའུ་སྟེ་ལྔ་པའོ།། །། སེམས་དཔའ་ཆེན་པོ་དེ་ཡང་ཉོན།། ང་ཡི་རྟོགས་པ་ལ་བཟླ་ན།། འདོད་ཆགས་ཞེ་སྡང་གཏི་མུག
332b2 ཀྱང་།། སྤང་དུ་མེད་དེ་བྱང་ཆུབ་ལམ།། འདོད་ཡོན་ལྔ་ནི་ལོངས་སྤྱོད་རྒྱན།། ལུས་ལ་ཕོ་མོ་ཡོད་པའི་ཕྱིར།། ཆགས་པ་སྤྱོད་ཚེ་དོན་གྱིས་ཟིན།། གསལ་ཐེབས་ཆོས་སྐུའི་སྙིང་པོ་ཉིད།། དེ་ཚེ་བདེ་བ་ལོངས་སྤྱོད
332b3 རྒྱན།། གཞི་ལ་འཆིང་གྲོལ་མེད་པའི་ཕྱིར།། དཀར་པོའི་ཆོས་དང་སྡིག་ལ་སོགས།། གཉིས་ཀའི་འབྲས་བུ་མི་འབྱུང་བས།། སེམས་ཉིད་ཡེ་ནས་རྟོགས་པ་ཡིན།། དེ་ཕྱིར་དགེ་སྡིག་བྱེད་མཁན་མེད།། གཉིས་ཀ་སྐྱེས
332b4 བུའི་ལོག་རྟོགས་ཙམ།། དོན་ལ་སྤྱོད་སྤངས་གཉིས་ཀ་མེད།། དེ་ཕྱིར་ཞེ་སྡང་ཡུལ་མི་དམིགས།། འཇིག་རྟེན་ཚོར་བ་བསལ་བ་ནི།། གཏི་མུག་རྨོངས་པར་ངས་བཤད་པས།། རྟོགས་ནས་མི་འབྱེད་རང་སེམས
332b5 འདི།། ཅི་སྤྱད་བལྟ་བར་རབ་ཤེས་པས།། འདོད་ཡོན་ལྔ་ལ་ཅི་སྤྱོད་ཀྱང་།། བཅིང་བར་མི་འགྱུར་གྲོལ་བར་འགྱུར།། རྡོ་རྗེ་སེམས་དཔའ་ད་ཉོན་ཅིག། ཆོས་འདི་ཟོས་པས་འཛིན་རྟོག་ནུབ།། རྒྱུད་འདི་གོ་བས་རྟོག་པ
332b6 ཞི།། འཁོར་འདས་འབྱུང་བ་རྣམ་པར་དག། སྤང་སྡུད་ཞེན་པ་རྡུལ་ཙམ་མེད།། རྟག་ཆད་གཉིས་པོ་རྡུལ་དུ་བརླག། འཁོར་འདས་བཟང་ངན་སྤྲིན་ལྟར་དེངས།། ཞེན་པའི་ཆོས་རྣམས་གཏིང་ནས
iiif viewer powered by OpenSeadragon
