| e-texts navigator |
| Wylie |
332a1 ཚོད་དུས་མཉམ་ཕྱིར།། དྲན་རིག་རྒྱུ་བ་ཅི་བྱུང་ཡང་།། བཞི་ལ་མེད་ཕྱིར་མ་བསྒོམས་ཀྱང་།། སེམས་ཅན་དུས་ན་ཆོས་ཀྱི་སྐུ།། སྒྲོ་འདོགས་མཆོད་སུས་བསྒོམས་པ།། དཔེར་ན་བུམ་ནང་ནམ་མཁའ
332a2 བཞིན།། ཚེ་གཅིག་བསྒོམས་ཀྱང་ཡེ་ཤེས་མེད།། རྣལ་འབྱོར་མ་བསྒོམས་རྟོགས་པར་གྱིས།། དེ་ཡང་འདུས་པའི་སེམས་དཔའ་ཉོན།། ཡུལ་གྱི་རྐྱེན་གྱིས་རྟོག་བྱུང་ཚེ།། ཕྱི་ཡི་དུས་བཞི་དོན་གསལ་བ།། ཡེ་ཤེས་མ
332a3 བསྒོམས་བྲལ་བ་མིན།། བ་མོ་ལ་ནི་ཉི་ཤར་བཞིན།། ཡུལ་ཉིད་སེམས་སུ་མི་བསྒོམ་པས།། དྲན་རིག་ཆོས་ཉིད་བྱང་ཆུབ་སེམས།། དེ་ཉིད་སྤྱད་པའི་ཡུལ་ལས་འདས།། དེ་ཉིད་དོན་ལས་ཉམས་པ་མེད།། རང་སེམས
332a4 བྱིང་རྒོད་རུམ་གནས་ཚེ།། ནང་གི་དུས་བཞི་དོན་དྲན་པས།། ཚོགས་དྲུག་འགགས་ཀྱང་ཆོས་སྐུར་གསལ།། བུམ་པའི་ནང་གི་མར་མེ་འདྲ།། འཇིགས་པ་བརྒལ་འདོད་མི་བཞིན་དུ།། ཉམས་མེད་རིག་པའི་དོན་འདི
332a5 ལས།། ནད་གཅོད་སྡུག་བསྔལ་ཅི་བྱུང་ཡང་།། མན་ངག་དྲན་པ་གཅེས་པར་གསུང་།། སངས་རྒྱས་སེམས་ཅན་གཉིས་ཀའི་གོང་།། གསང་བའི་དུས་གཅིག་ཉིད་དུ་ཤེས།། གོལ་ས་རྡུལ་ཙམ་མི་འབྱུང་བས།། དེ་ཚེ་ཆོས
332a6 སྐུ་ཟང་ཀ་མ།། མི་འགྱུར་བརྟན་པས་གསེར་བཞིན་ནོ།། དེ་ཕྱིར་སྐྱེ་བའི་རྒྱུ་མེད་པས།། ཐ་མ་འཆི་ཞིང་འཕོ་བ་མེད།། དེ་ལྟར་རིག་པ་རྒྱུན་མི་འཆད།། ལུས་ངག་ཡིད་གསུམ་སྐུ་གསུང་ཐུགས།། རྫོགས་པ་ཆེན་པོ་རིན
iiif viewer powered by OpenSeadragon
