| e-texts navigator |
| Wylie |
331b1 གསོལ།། དོན་གསན་སྟོན་པས་བཀའ་སྩལ་པ།། གཞི་ཉིད་རྟོགས་པར་བྱ་བའི་ཕྱིར།། དོན་གྱི་ལྟ་བ་ངོས་བཟུང་སྟེ།། རྣམ་གཞི་ཕྱི་མ་བར་མ་ནང་།། གསུམ་བྲལ་བཞི་ལྡན་ཆོས་སྐུ་གསང་།། གཅིག་ལས་ཐ་དད་ངོས
331b2 ཟིན་པས།། ཉི་མའི་ཟེར་དང་འཆར་ངོས་བཞིན།། དགག་བསྒྲུབ་མེད་ཕྱིར་ཆོས་ཀྱི་དབྱིངས།། དེ་ཕྱིར་རང་སེམས་སྙིང་པོ་འདི།། རྟོགས་པས་སངས་རྒྱས་ལམ་དུ་བདེ།། རང་སེམས་བསྒོམས་པ་ཡེ་ཤེས་ལམ།། ནམ
331b3 མཁའ་འབྱུང་བའི་ལམ་ཡིན་ནོ།། དཔེར་ན་ཁྱུང་ཆེན་མཁའ་ལ་ལྡིང་།། ཆུ་ཀླུང་གྱེན་མཐུར་ཡ་མི་ང་།། བར་སྣང་ཁམས་ཀུན་ལམ་དུ་བདེ།། དམིགས་པའི་ས་ཕྱོགས་ཡིད་ཀྱིས་ཕྱིན།། ལྟ་བ་རྟོགས་པའི་ལམ་ཡིན།
331b4 པས།། དེ་བཞིན་ཡེ་ནས་རྣལ་འབྱོར་ཐུགས།། མ་བསྒོམས་ཡེ་ཤེས་ད་ལྟ་ཉིད།། རྟོགས་ཕྱིར་རང་སེམས་བསྒོམ་དུ་མེད།། དེ་ལས་མི་འདའ་ལྷུན་གྱིས་གྲུབ།། དེ་ཕྱིར་མ་བཅོས་ལྟ་བ་ཡིན།། དམིགས་མེད་སེམས་ཀྱི་ཡེ
331b5 ཤེས་གསལ།། བཏང་བཞག་མེད་པའི་ལྟ་བ་ལ།། གོལ་ས་རྡུལ་ཙམ་མེད་པའི་ཕྱིར།། བསྒོམ་མེད་ཡེ་ཤེས་ཆེན་པོ་འབྱུང་།། དེ་ཡང་རྡོ་རྗེ་སེམས་དཔའ་ཉོན།། སྒྲོ་སྐུར་གཅོད་པའི་མན་ངག་བསྟན།། རང་སེམས་ཆོས
331b6 སྐུར་ངོ་སྤྲད་ནས།། ལུས་བཅོས་ཀུན་གཞི་གཞི་ཆ་ལ།། སྔ་ཕྱི་དང་བྲལ་ཡེ་ཤེས་གསལ།། ཆུ་དངས་རྙོག་མེད་དཔེ་བཞིན་དུ།། ཆོས་སྐུ་ཁ་མིག་རྣ་བ་ཅན།། འབྱུང་འཇུག་མེད་ཕྱིར་བསྒོམ་མི་དགོས།། སྟོང་ཉིད་ཚིག
iiif viewer powered by OpenSeadragon
