| e-texts navigator |
| Wylie |
331a1 ཡིན་དུས་འདི་རུ།། དབུལ་པོས་རིན་ཆེན་རྙེད་པ་བཞིན།། བཙལ་མེད་རིག་པ་མངོན་སངས་རྒྱས།། ད་ཡང་རྡོ་རྗེ་སེམས་དཔའ་ཉོན།། རང་བྱུང་ཡེ་ཤེས་ཆེན་པོ་ཡི།། ཡིན་མིན་དབྱེ་བ་ངས་བཤད
331a2 ཀྱིས།། ཡིད་ཀྱིས་ཉོན་ལ་ལེགས་པར་ཟུང་།། ཡེ་ཤེས་ཆེན་པོ་རང་བྱུང་དེ།། སེམས་ཅན་ཀུན་ལ་ཡོད་མོད་ཀྱང་།། མ་རྟོགས་ཕྱིར་ན་ཡེ་ཤེས་མེད།། མིག་མཁན་མ་རྙེད་ལོང་བ་འདྲ།། རང་བྱུང་མེད་པའི་ཡེ་ཤེས
331a3 དེ།། གནས་འགྱུར་ཡེ་ཤེས་ལྔ་འདོད་པ།། རྐྱེན་གྱིས་འགྱུར་ཕྱིར་ཡེ་ཤེས་མིན།། རྡོ་ལ་གསེར་དུ་འཛིན་པ་ལྟར།། ཡེ་ཤེས་རང་བྱུང་མ་ཡིན་ཏེ།། ཡིད་གཉིས་ཀུན་གཞི་གློ་བུར་སྐྱེད།། གཞི་འཁྲུལ་ཕྱིར་ན་གཉིས་མེད
331a4 མིན།། རི་བོང་རྭ་ཡི་ཁ་དོག་འདྲ།། རང་བྱུང་ཡེ་ཤེས་ཡིན་པས་ན།། ཤེས་རབ་ལྷག་མཐོང་རང་བྱུང་བ།། ཡེ་ནས་གནས་པའི་རང་བྱུང་དེ།། ལུང་ལྡན་རྐྱེན་གྱིས་རྟོགས་པའི་ཕྱིར།། རང་བྱུང་ཡེ་ཤེས་འཛོམ་པ་ནི།། མར
331a5 གྱི་ཡང་ཞུན་ལྟ་བུར་གསུངས།། རྫོགས་པ་ཆེན་པོ་རིན་པོ་ཆེ་འཁོར་བ་རྩད་གཅོད་ཀྱི་རྒྱུད་ལས། དོན་རྟོགས་པར་བྱ་བའི་ཐབས་བསྟན་པའི་ལེའུ་སྟེ་བཞི་པའོ།། །། དེ་ནས་རྡོ་རྗེ་སེམས་དཔའ་ཡིས།། ཟིལ་གྱིས
331a6 གནོན་པའི་ཏིང་འཛིན་ལ།། སྙོམས་པར་ཞུགས་ནས་ཡང་གསོལ་པ། ཀུན་བཟང་ངོ་བོ་ཉིད་ཀྱི་སྐུས།། ཚེགས་མེད་གདམས་ངག་མ་བསླད་པར།། ཁྱོད་ཀྱི་མཛད་སྤྱོད་ཇི་ལྟ་བ།། དོན་དང་མཐུན་པར་མཛད་དུ
iiif viewer powered by OpenSeadragon
