| e-texts navigator |
| Wylie |
330a1 འབྱུང་བ་འཁོར་བའི་ཆོས།། དེ་ལ་དམ་པར་གང་འཛིན་པ།། ནམ་མཁའ་དག་ལ་འཛིན་པ་འདྲ།། སངས་རྒྱས་རྣམས་ནི་སྤྱོད་མི་མཛད།། མ་བྱུང་མ་སྐྱེས་པ་ཉིད་ཡིན།། རྫོགས་པ་ཆེན་པོ་རིན་པོ་ཆེ
330a2 འཁོར་བ་རྩད་གཅོད་ཀྱི་རྒྱུད་ལས། དོན་ཆོས་ཉིད་ཀྱི་གནས་ལུགས་བསྟན་པའི་ལེའུ་སྟེ་གཉིས་པའོ།། །། ད་ཡང་སེམས་དཔའ་ཆེན་པོ་ཉོན།། ང་ལས་འཁྲུལ་པ་བྱུང་བ་ནི།། ཐོག་མའི་དུས་ཀྱི་མཐའ་དྲུག
330a3 གཉིས།། ཀུན་གཞི་མ་རིག་མུན་གསེབ་ན།། གཅིག་ལ་སྣང་བ་གཉིས་སུ་འབྱུང་།། ཡར་མར་འཁྲུལ་འཁོར་འཁོར་བའི་ཆོས།། ཐག་སྦྲུལ་ཐོ་ཡོར་ཇི་བཞིན་དུ།། མ་རིག་པ་ལས་འཁྲུལ་པ་བརྒྱད།། དམུས་ལོང་ལྟ་བུར
330a4 རང་བསྒྲུབས་པས།། མི་ཤེས་ལོག་པའི་འཁོར་བར་འཁྱམས།། དེ་བས་སེམས་དཔའ་ཆེན་པོ་ཉོན།། འོག་མའི་ལུང་ལྡན་རྐྱེན་ཕྲད་ནས།། བློས་འཇལ་ལྟ་བ་རྣམ་པ་བཞི།། ཡོ་ག་མན་ཆད་ང་ཡི་གཏམ།། ཇི་སྙེད་མཛད
330a5 ཀྱང་ང་མི་རྙེད།། མཚན་མ་རགས་ཤིང་ང་མི་རྟོགས།། རྒྱུད་ལུང་རྣལ་འབྱོར་ཆེན་པོ་ལས།། ང་ཚོལ་པ་འཁྲུལ་ང་མི་རྙེད།། ང་མ་རྙེད་པའི་སྣང་བ་ཞེན།། འགྲོ་དོན་ཐེག་པ་རྣམ་པ་བརྒྱད།། གཞི་ཉིད་མ་ཤེས་འཁྲུལ་པའི
330a6 ཕྱིར།། བརྒྱད་གཉིས་མི་སྒྲོལ་ཤིན་ཏུ་འཆིང་།། དེ་ཡང་རྡོ་རྗེ་སེམས་དཔའ་ཉོན།། འཁོར་བའི་རྒྱུ་ནི་རྟོག་པ་ཡིན།། གཟུང་འཛིན་ཞེན་པ་མཚན་མར་སྣང་།། བག་ཆགས་བརྟས་ཕྱིར་ཀུན་གཞི་ཡིན།། ཡེ་ཤེས་མྱ་ངན
330a7 འདས་པའི་རྒྱུ།། མི་རྟོགས་གཞི་གནས་ཉིད་བརྡལ་བ།། འབྲས་བུ་ཟུང་འབྲེལ་ལྷུན་གྲུབ་པ།། གཉིས་ཀའི་རྒྱུར་གྱུར་གཞི་ཉིད་ནི།། རང་བྱུང་ངོ་བོ་ཉིད་ཀྱི་སྐུ།། དེ་ཉིད་མ་རྟོགས་དམན་རྣམས་ཀྱིས།། སྣང་བ་དེ་ཉིད
iiif viewer powered by OpenSeadragon
