| e-texts navigator |
| Wylie |
32b1 སོ་སོར་འཚམས་པར་བཤད་པའོ།། ཞེས་གསུངས་སོ།། ཡང་གསང་བའི་བདག་པོས་ཞུས་པ། སྟོན་པ་བྱོན་གཞི་དེ་ལྟར་ན།། སྐུ་ཡི་འཁྲུངས་རྟེན་གང་ཞིག་གིས།། རྟོགས་པའི་ཤེས་རབ་ཇི་ལྟར་སྐྱེས།། ཞེས་ཞུས
32b2 སོ།། སྟོན་པས་བཀའ་སྩལ་པ།། ཕ་དང་མ་ལ་མ་རྟེན་པར།། བུང་བ་མེ་ཏོག་འཛིན་པ་ལྟར།། ཨུ་དུམ་ཝ་རའི་མེ་ཏོག་ལ།། རིག་པའི་ཡེ་ཤེས་ལས་ཞུགས་བརྫུས་ནས་སྐྱེས།། ཞེས་གསུངས་སོ།། ཡང་བཀའ་སྩལ་པ།།
32b3 རྡོ་རྗེ་འཛིན་པ་ཉོན་ཅིག། ངས་ལེན་མ་མྱོང་བའི་ལུས་བླངས་པས།། མཐོང་མ་མྱོང་བའི་ཡུལ་གཉིས་མཐོང་།། ཤེས་མ་མྱོང་བའི་གཏམ་ཅིག་ཤེས།། བརྗོད་མ་མྱོང་བའི་ཚིག་ཅིག་བརྗོད།། དེ་ཚེ་རྟོགས་པའི་ཤེས་རབ
32b4 སྐྱེས།། ཞེས་གསུངས་སོ།། ཡང་ཞུས་པ། རྟོགས་པའི་ཤེས་རབ་ཇི་ལྟར་སྐྱེས།། ཞུས་སོ།། ང་ཡི་ཆོས་སྐུ་དག་པ་ལས།། ཐམས་ཅད་མཁྱེན་པའི་ཡེ་ཤེས་ཤར།། ལོངས་སྐུ་མ་བསྐྱེད་ལྷུན་རྫོགས་པས།། རྣམ་པ་ཐམས
32b5 ཅད་མཁྱེན་པར་ཤར།། ད་རང་སྤྲུལ་པའི་གྲཝ་ཡིན་པས།། ཆོས་རྣམས་རང་བྲང་ཆེན་པོར་ཤར།། ང་མི་གཞི་ལ་དབང་བཞི་རྫོགས།། ཆུ་བོ་ཆེན་པོ་བཞི་རུ་བཅས།། དེའི་ཚེ་རང་དབང་དང་གིས་ཐོབ།། ཐུགས་རྡོའི་སྒོ
32b6 མ་འགགས་པས།། གདུལ་བྱའི་ཞིང་དག་ཐུགས་རྗེས་ཟིན།། ཡིད་ཀྱི་རྣམ་ཤེས་རང་བྱུང་བས།། ཤེས་རབ་འབྱུང་བའི་གཞི་མ་འགགས།། ལྕེ་ཡི་རྣམ་ཤེས་སྤྲུལ་པའི་སྐུ།། ཚིག་རྣམས་རང་རང་དོན་ལ་སྦྱོར།། ཞེས
iiif viewer powered by OpenSeadragon
