| e-texts navigator |
| Wylie |
32a1 སྦྱར།། གསལ་བའི་རྟེན་གྱུར་མ་སྐྱེས་འཇམ་དཔལ་དོན།། སྐྱེས་པའི་ཡུམ་གྱུར་གི་ཏཱི་མ།། ཡེ་ཤེས་དོན་རྣམས་སོ་སོར་བསྟན།། ཇི་ལྟར་བསྐྱེད་དུ་མར་མེ་གསལ།། དོན་གྲུབ་ཆེན་པོའི་ཞལ་མཐོང
32a2 པབ།། བྱ་གྲུབ་ཡེ་ཤེས་ལྔར་དོན་ཡང་གཟིགས་པས།། ཕྱག་ན་རྡོ་རྗེའི་དོན་གྱི་མཚན།། སྐྱེ་བའི་རྟེན་གྱུར་མ་སྐྱེས་སྒྲིབ་པ་རྣམ་པར་སེལ་བའི་དོན།། བསྐྱེད་བྱ་སྐྱེད་བྱེད་དུས་དེས་ནརྀ་ཏི་གནྡྷེ་མ།། བརྗོད་བྱ་མང་ཡང
32a3 མདོར་བསྡུས་པའོ།། གཉིས་མེད་དབྱིངས་དང་ཡེ་ཤེས་ཀུན་བཟང་ཡབ་ཡུམ་དོན།། མཐའ་བཞི་ལས་གྲོལ་བདུད་བཞི་ངང་གིས་བཅོམ།། ཕྱིན་ཅི་ལོག་ལས་གྲོལ་བའི་སྒོ་བ་བཞི།། ཡེ་ཤེས་ཚད་མེད་བཞི་ཡི་དོན
32a4 མཛད་སྒོ་མ་བཞི།། སྐུ་ལྔ་ངོ་བོ་ཉིད་ཀྱི་སྐུ་དང་དྲུག། མ་འགགས་ཐུབ་པ་དྲུག་གི་དོན་དང་སྦྱོར།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། ལོངས་སྐུའི་འཁོར་གྱི་དོན་ངོ་བོ་ལ་སྦྱོར་བ་བསྟན
32a5 པའི་ལེའུ་སྟེ་སོ་གཉིས་པའོ།། །། དེ་ནས་ཡང་གསང་བའི་བདག་པོས་ཞུས་པ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། ལོངས་སྐུ་ཤར་ལུགས་དེ་ལྟར་ན།། སྤྲུལ་པ་སྐུ་ཡི་ཞིང་ཁམས་འདིར།། སྟོན་པ་བྱོན་ལུགས་ཇི
32a6 ལྟར་ལགས།། སྤྲུལ་པའི་སྐུ་རྣམས་ཇི་ལྟར་ཤར།། ཞེས་ཞུས་སོ།། ཀྱེ་ཀྱེ་རྡོ་རྗེ་འཛིན་པ་ཉོན་ཅིག། ཆོས་སྐུའི་འོད་གྱུར་ལོངས་སྐུ་བཞི་བཅུ་གཉིས།། དེ་ཡིས་གསུང་ལས་རོལ་པའི་སྦྲུལ་སྐུ་རྣམས།། གདུལ་བྱ་དྲུག་ལ
iiif viewer powered by OpenSeadragon
