| e-texts navigator |
| Wylie |
329b1 ཉོན།། ང་ཡི་མཚན་ཉིད་མཐུན་དཔེ་ནི།། དངོས་པོ་མེད་པས་ནམ་མཁའ་འདྲ།། མི་འགྱུར་སྲ་བས་རྡོ་རྗེ་འདྲ།། སྐྱེ་བ་མེད་པས་ཨ་དང་འདྲ།། དོན་ལ་ཡིན་ཕྱིར་དཔེ་མི་བསྟན།། དེ་ཕྱིར་སྙིང་པོའི་ཐིག་ལེ་འདི།། ཆོས
329b2 ཉིད་མེད་པའི་སྔོན་རོལ་དུ།། སྟོང་པ་ཉིད་ལས་ང་སྔ་ཕྱིར།། ང་ལ་སྟོང་པར་སྐུར་མ་འདེབས།། གདགས་པ་མེད་པའི་སྔོན་རོལ་དུ།། མིང་དང་ཚིག་བས་ང་སྔ་ཕྱིར།། ཡོད་ཅིང་རྟག་པར་སྒྲོ་མི་གདགས།། ང་ནི་འགྱུར
329b3 མེད་སྙིང་པོ་ལ།། སྐྱེ་ཤི་མེད་པར་ཡིད་ཆེས་པས།། འཁོར་འདས་མ་རིག་ང་སྔ་ཕྱིར།། རིག་གཉིས་ལོག་ཕྱིར་གདོད་ནས་དག། སྐྱོན་གྱིས་མ་གོས་ཆོས་ཀྱི་སྐུ།། ཀུན་བཟང་གློ་བུར་སངས་རྒྱས་ཏེ།། རབ་ཏུ་ཆེ་མཆོག་ཡེ
329b4 ས་སྐུ།། དོན་གྱི་སངས་རྒྱས་རྟོགས་པའི་ཕྱིར།། མི་སྐེ་མི་འགག་ནམ་མཁའ་འདྲ།། ང་མ་རྟོགས་པའི་སངས་རྒྱས་མེད།། དེ་ཕྱིར་སངས་རྒྱས་ཀུན་གྱི་མེས།། སངས་རྒྱས་ཀུན་གྱི་བླ་མ་ང་།། ང་མ་འཁྲུལ་པའི་སེམས
329b5 ཅན་མེད།། སེམས་ཅན་ཕ་མ་ང་ཉིད་ཡིན།། ང་ལས་འཁྲུལ་པའི་རྐྱེན་གྱིས་སུ།། སངས་རྒྱས་སེམས་ཅན་ང་ལས་བྱུང་།། ཕྱི་ཡི་འབྱུང་བ་ང་ཡི་རྩལ།། ནམ་མཁའ་སྟོང་པ་ང་ཡི་དཔེ།། ཕྱི་ནང་མཚན་མ་ང་འཁྲུལ
329b6 རྟགས།། འཁོར་འདས་རྩ་བ་ང་ཉིད་ཡིན།། དུས་གསུམ་སངས་རྒྱས་ཐམས་ཅད་ཀྱིས།། ང་ལ་བཤད་ཅིང་མཚོན་མི་མཁྱེན།། མཛད་པའི་ཆོས་ཉིད་སྨོས་ཅི་དགོས།། བསྐལ་པར་འཁྱམས་ཀྱང་སྐྱེ་བ་མེད།། ཤི་མེད
329b7 ནོར་མཆོག་ཀུན་གྱི་གཞི།། རང་བྱུང་སྙིང་པོ་ཀུན་ལ་ཁྱབ།། དོན་ལ་འགྱུར་བ་རྡུལ་ཙམ་མེད།། གདོད་ནས་འགྱུར་མེད་བྱང་ཆུབ་ལ།། ཇི་སྐད་བརྗོད་ཀྱང་མཐུན་པ་མེད།། དེ་ཕྱིར་བློ་ཡི་སྤྱོད་ཡུལ་མིན།། མཛད་སྤྱོད
iiif viewer powered by OpenSeadragon
