| e-texts navigator |
| Wylie |
329a1 གདུང་བ་དང་།། འཁོར་བའི་སྡུག་བསྔལ་འཇོམས་པའི་ཕྱིར།། བྱང་ཆུབ་སྲོག་དང་བསྔོ་བ་ལ།། དོན་འདི་ཁྱོད་ལ་བཤད་ཀྱིས་སྟོན།། དེ་དང་མི་ལྡན་འདི་བསྟན་ན།། ཕྱི་མའི་དུས་ཀྱི་སྣོད
329a2 མེད་རྣམས།། གནམ་ལྕགས་ས་ལ་བྱིང་བ་བཞིན།། མཁའ་འགྲོ་རྣམས་འཇོམས་པའི་ཕྱིར།། བྱང་ཆུབ་སྲོག་དང་བསྔོ་བ་ལ།། དོན་འདི་ཁྱོད་ལ་བཤད་ཀྱིས་སྟོན།། དེ་དང་མི་ལྡན་འདི་བསྟན་ན།། ཕྱི་མའི་དུས་ཀྱི
329a3 སྣོད་མེད་རྣམས།། གནམ་ལྕགས་ས་ལ་བྱིང་བ་བཞིན།། མཁའ་འགྲོ་རྣམས་ཀྱིས་སྲོག་བཅད་ནས།། ཐར་མེད་དམྱལ་བའི་གནས་སུ་ལྟུང་།། རྫོགས་པ་ཆེན་པོ་རིན་པོ་ཆེ་འཁོར་བ་རྩད་ནས་གཅོད་པའི་རྒྱུད
329a4 ལས། དོན་གྱི་གླེང་གཞི་བསྟན་པའི་ལེའུ་སྟེ་དང་པོའོ།། །། སེམས་དཔའ་ཆེན་པོ་ཁྱོད་ཉོན་ཅིག། ང་ཡི་ཆོས་ཉིད་གནས་ལུགས་ནི།། དུས་གསུམ་མེད་པའི་གོང་རོལ་དུ།། འཁོར་འདས་གཉིས་ཀ།
329a5 གདོད་ནས་མེད།། ང་ཉིད་དེ་ཚེ་གདོད་ནས་གནས།། བསྟན་པ་མེད་པའི་སྟོན་པའི་ཐུགས།། ང་རང་ཉིད་ལས་མ་གཏོགས་པ།། སངས་རྐུས་སེམས་ཅན་མིང་ཡང་མེད།། འབྱུང་བ་ལྔ་དང་སྲིད་པའང་མེད།།
329a6 མི་སྲིད་ཕུང་པོ་གང་ལས་སྐྱེད།། བག་ཆགས་མ་བགོས་སྨོས་ཅི་དགོས།། དོན་རྟོགས་སངས་རྒྱས་མེད་པའི་ཕྱིར།། དེ་བསྟན་རྟོགས་པ་ཤར་བ་མེད།། དེ་ཕྱིར་འཁོར་འདས་ང་ལ་བསླད།། གཟུགས་མེད་སེམས་ཀྱི་སྙིང
329a7 པོ་ལ།། སྒོ་ལྔ་མེད་ཕྱིར་ཡུལ་ཡང་མེད།། བཟང་ངན་རྣམ་རྟོག་གཏིང་ནས་མེད།། ང་ཉིད་གཅིག་པུ་སྔོན་དུ་བྱུང་།། རང་གསང་ང་ཉིད་ཀུན་གྱི་མེས།། རྒྱུ་རྐྱེན་མེད་པའི་སྙིང་པོ་ཡིན།། ད་ཡང་འདུས་པའི་སྙིང་པོ
iiif viewer powered by OpenSeadragon
