| e-texts navigator |
| Wylie |
328b1 ཞིང་འབོག། ལྷ་མིན་འཇིག་རྟེན་སྲིན་པོའི་ཚོགས།། སྒྲོ་སྐུར་འདོགས་པའི་གང་ཟག་རྣམས།། གཏན་དུ་དམྱལ་བ་ཆེན་པོར་ལྟུང་།། དེ་ལ་ཚེ་ཡི་བར་གཅོད་དང་།། འཇིགས་པ་སྣ་ཚོགས་ཀུན་ཀྱང་འོད་།།
328b2 མགོ་ལུས་ཚལ་པ་སྟོང་དུ་འགས།། རིག་འཛིན་རྣམས་ཀྱིས་སྤོང་བར་འགྱུར།། དེ་ལྟར་བཀའ་སྩལ་དོན་གོ་ནས།། སེམས་ཀྱི་གདུང་བའི་ཡུས་བཏོན་ཏོ།། འགལ་སེམས་རྡུལ་ཙམ་མེད་པ་ནི།། དད་པས་བྱང
328b3 ཆུབ་དོན་ལ་མོས།། ངེས་ཚིག་བསྟན་པར་ཡིད་བསྡུས་སོ།། དེ་ཚེ་ངོ་བོ་ཉིད་སྐུ་དེས།། ཡེ་ཤེས་འཁོར་ལོའི་དགོངས་པ་ལས།། ཐུགས་རྗེས་མངོན་པར་གཟིགས་ནས་ཀྱང་།། ཀུན་བཟང་ཆོས་སྐུ་རྟོགས་འདོད
328b4 དེ།། དོན་དུ་བསྡུས་པ་བཀའ་སྩོལ་པ།། ལེགས་སོ་དད་པའི་འཁོར་རྣམས་ཉོན།། དོན་རྣམས་གསལ་བར་ངས་བཤད་ཀྱིས།། ལེགས་པར་ཉོན་ལ་ཡིད་ཀྱིས་ཟུང་།། འཁོར་འདས་ཚིག་ཏུ་བརྗོད་དཀའ་བ།།
328b5 ཆོས་སྐུ་ནམ་མཁའ་ལྟ་བུ་དེ། ཀུན་ལ་གནས་ཀྱང་རྟོགས་པར་དཀའ།། མངོན་སུམ་དུ་ཡང་མི་གནས་ཕྱིར།། སྲིད་གསུམ་སེམས་ཅན་ཐམས་ཅད་ནི།། བཀྲིར་དང་དོན་གྱིས་འདུལ་བ་ལས།། ངེས་པའི་དོན་གྱིས
328b6 འདུལ་བ་མིན།། ངེས་པའི་དོན་གྱིས་འདུལ་བ་ནི།། ཨུ་དུམ་ཝ་རའི་མེ་ཏོག་བཞིན།། རྒྱ་ལམ་ལས་ནི་རེས་འགའ་ཞིག། འབྱུང་སྲིད་ཀུན་དང་ཐུན་མོང་མིན།། དེ་ཕྱིར་སྣོད་ལྡན་འཕྲད་གྱུར་ན།། མ་མཚོན
328b7 གོ་དང་མ་དཔྱད་རྟོགས།། དོན་ལྡན་དག་ཏུ་རིག་པའི་བློས།། མ་བསྒོམས་བསྟན་པས་ངེས་པར་ཆོག། ད་ཡང་རྡོ་རྗེ་སེམས་དཔའ་ཉོན།། བླ་མ་རྡོ་རྗེ་སློབ་དཔོན་ལ།། དད་པ་སྐྱོ་ངལ་མེད་པ་དང་།། མཆེད་ལ་སྲིང་ལྟར
iiif viewer powered by OpenSeadragon
