| e-texts navigator |
| Wylie |
327b1 ཀྱང་ངེས་པའི་དོན་ལ་ཞོག། ད་ཡང་འདུས་པའི་སྙིང་པོ་ཉོན།། དེ་ལྟར་མ་རྟོགས་དམན་རྣམས་ཀྱིས།། ལམ་ལྔ་སྦྱངས་ཤིང་ཚོགས་བསགས་ཀྱང་།། ངེས་དོན་མ་ཤེས་འབྲས་བུ་ཆུང་།། དེ་བས་རང་བྱུང་སྙིང་པོ
327b2 འདི།། ལུང་ལྡན་རྣམས་ལ་རྟོགས་པར་གྱིས།། དེ་རྟོགས་འབྲས་བུ་སངས་རྒྱས་འབྱུང་།། འགྲོ་བའི་མགོན་པོས་འདི་སྐད་གསུངས།། དེ་ཡང་རྡོ་རྗེ་སེམས་དཔའ་ཉོན།། གསང་བའི་མན་ངག་རྒྱུད་ཆེན་འདི།། ལན
327b3 གཅིག་དུས་ཀྱི་དེང་སང་ན།། སྣོད་ལྡན་ཀུན་ལ་ཆོས་འདི་འབྱུང་།། དེ་ཚེ་ཐེག་དམན་སྒོ་སྐུར་འདེབས།། རང་གིས་རང་བསླུས་འཁོར་བར་ལྟུང་།། འདི་ལ་མོས་ཤིང་འཛིན་པ་ལ།། སངས་རྒྱས་ཀུན་གྱིས་བྱིན་གྱིས
327b4 རློབས།། བསོད་ནམས་མི་ཟད་གཏེར་དང་ལྡན།། ཕྱི་མའི་འབྲས་བུ་དུས་འདིར་འབྱུང་།། ཀུན་ཏུ་བཟང་པོས་དེ་སྐད་བཤད།། རྫོགས་པ་ཆེན་པོ་ངེས་དོན་འདུས་པ་ལས། རྒྱུད་བཤད་ཅིང་བཟུང་བར་བསྟན་པའི་ལེའུ
327b5 སྟེ་བརྒྱད་ཅུ་རྩ་གཅིག་པའོ།། །། རྫོགས་པ་ཆེན་པོ་ངེས་དོན་འདུས་པ་ལྟ་བ་ཐམས་ཅད་ཀྱི་སྙིང་པོ་རིན་པོ་ཆེ་རྣམ་པར་བཀོད་པ་ཞེས་བྱ་བ་རྫོགས་སོ།། །། རྒྱ་གར་གྱི་མཁན་པོ་བི་མ་ལ་མི་ཏྲ་དང་། བོད་ཀྱི
327b6 ལོཙྪ་བ་ཨཱ་ཙརྱ་དྲན་པ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །
iiif viewer powered by OpenSeadragon
