| e-texts navigator |
| Wylie |
326a1 དང་མི་བསྒོམ་ཅི་ཕྱིར་འཇུག། མཉམ་རྗེས་མེད་པར་རྒྱུན་དུ་གནས།། ཡང་ནི་རྟོགས་དོན་འདིར་གསུངས་པ།། རང་སེམས་མ་བཅོས་རང་ལུགས་ལ།། མ་བཅོས་རང་བཞག་བསྒོམ་པ་སྟེ།། བརྗོད་དུ
326a2 མེད་པའི་ཉམས་མྱོང་གསལ།། དེ་དོན་རང་སེམས་རྟོགས་པ་ཡིན།། ཡང་ནི་རྟོགས་དོན་འདིར་གསུངས་པ།། དེ་དོན་ཆོས་ཉིད་འགྱུར་མེད་ལ།། བློ་ཡིས་བརྟགས་པ་ཐམས་ཅད་མེད།། གང་ཡང་མ་སྤངས་རང་བྱུང
326a3 ལ།། དེ་ལ་བསྒོམ་དུ་རྡུལ་ཙམ་མེད།། རྫོགས་པ་ཆེན་པོ་ངེས་དོན་འདུས་པ་ལས། རྒྱལ་སྲས་སྤྲུལ་པའི་འཁོར་གྱི་རྟོགས་པ་བརྗོད་པའི་ལེའུ་སྟེ་དོན་དགུ་པའོ།། །། དད་ཉན་འཁོར་ལ་ཕན་དོན་དུ།། མཁའ་འགྲོ
326a4 སྡེ་ལྔ་འཁོར་དང་བཅས།། རང་རང་རྟོགས་པ་བརྗོད་པའི་ཕྱིར།། ངེས་པའི་དོན་དུ་འདིར་གསུངས་པ།། གཏི་མུག་མུན་པ་འཐིབས་པ་ལ།། ཐོག་མཐའ་ཆོད་པས་མ་རིག་སངས།། ཡུལ་འདི་མ་བཤིགས་ཆོས་ཀྱི
326a5 དབྱིངས།། དེ་རྙེད་རང་སེམས་རྟོགས་པ་ཡིན།། ཡང་ནི་རྟོགས་དོན་འདིར་གསུངས་པ།། ཞེ་སྡང་ཁ་དོག་ཡུལ་ལ་སྐྱེ།། ཕྱི་ཡི་གོལ་ས་གཅོད་ཤེས་ན།། ཞེ་སྡང་རང་གྲོལ་རྒྱལ་བའི་ཐུགས།། དེ་དུས་ཉིད་ན་ཆོས་ཀྱི
326a6 སྐུ། ཡང་ནི་རྟོགས་དོན་འདིར་གསུངས་པ།། རྟོགས་དོན་བདེ་བའི་ཡེ་ཤེས་ཤར།། རྒྱལ་པོ་ངོ་བོ་ཉིད་ཀྱི་སྐུ།། དེ་དོན་མི་འབྲལ་ཆོས་སྐུར་གསལ།། དེ་ལ་སྐྱོན་གྱིས་གནོད་མི་ཚུགས།། ཡང་ནི་རྟོགས་དོན་འདིར
326a7 གསུངས་པ།། ཕོ་མོ་འདོད་ཆགས་ཅི་སྤྱད་ཀྱང་།། གོལ་མེད་ཡེ་ཤེས་རྒྱུན་མི་འཆད།། སྔ་ཕྱིར་མ་སོང་ཞེན་མེད་ཕྱིར།། བདེ་ཆེན་ལོངས་སྤྱོད་ཆེན་པོར་བཤད།། ཡང་ནི་རྟོགས་དོན་འདིར་གསུངས་པ།། ལྷ་དམན་ཆོས
iiif viewer powered by OpenSeadragon
