| e-texts navigator |
| Wylie |
325b1 གསལ།། ཕྲག་དོག་མེད་པའི་སྤྱོད་པ་དེ།། དེ་ཉིད་ཡེ་ཤེས་ཆོས་ཉིད་ཀློང་།། ཡང་ནི་རྟོགས་དོན་འདིར་གསུངས་པ།། ནོར་བུ་ཆུ་དངས་དཔེ་བཞིན་དུ།། དྲན་པ་ཙམ་གྱིས་མ་རིག་སངས།། བཙལ་དུ་མེད་པས་ཡེ་ཤེས
325b2 རྒྱས།། དེ་དུས་ཉིད་ན་གཟུགས་སྐུ་འབྱུང་།། ཡང་ནི་རྟོགས་དོན་འདིར་གསུངས་པ།། ངེས་དོན་ལུང་ལ་ཡིད་ཆེས་པས།། ཐེ་ཚོམ་མེད་ལས་རང་བྱུང་གསལ།། རིག་པ་མི་འགག་བདེ་ཆེན་ཀློང་།། དེ་ལས་མི་འགྱུར
325b3 དགོངས་པར་ཤེས།། ཡང་ནི་རྟོགས་དོན་འདིར་གསུངས་པ།། ཡུལ་གྱི་མཚན་མ་ཅིར་སྣང་ཡང་།། ཡིད་ཀྱིས་དགག་སྒྲུབ་མེད་པར་ནི།། ཆོས་དབྱིངས་གདེང་ལྡན་ངེས་དོན་ལ།། སྤང་དང་སྡུད་པའི་ཞེན་མེད་དོ།། ཡང
325b4 ནི་རྟོགས་དོན་འདིར་གསུངས་པ།། ལུང་ལ་ཡིད་ཆེས་དགོངས་པ་མེད།། ཟབ་ལ་རྒྱ་ཆེ་དགོངས་པ་གསལ།། དེ་དོན་རྟོགས་གོམས་འབྲས་བུ་ལ།། སངས་རྒྱས་ངེས་པ་དེ་ལ་བྱ།། ཡང་ནི་རྟོགས་དོན་འདིར་གསུངས
325b5 པ།། ཚེ་རབས་ཀུན་ཏུ་མཐུ་བརྟས་པས།། སྔ་ཕྱི་ཞེན་པའི་རྟོག་པ་ལ།། མ་ཡེངས་ཆོས་ཉིད་རང་གསལ་བ།། དེ་ལས་བསྒོམ་པ་རྡུལ་ཙམ་མེད།། ཡང་ནི་རྟོགས་དོན་འདིར་གསུངས་པ།། རང་བྱུང་ངེས་དོན་རྒྱུན་མི
325b6 འཆད།། དེ་ལ་རྟག་ཏུ་ཡིད་བརྟས་ན།། བག་ཆགས་སྒྲིབ་པ་ཤུགས་ལ་དག། ཡེ་ཤེས་ཚོགས་ཆེན་སངས་རྒྱས་ཡིན།། ཡང་ནི་རྟོགས་དོན་འདིར་གསུངས་པ།། དུས་དང་རྣམ་པ་ཐམས་ཅད་དུ།། ཆོས་སྐུའི་དོན་དང་མི
325b7 འདའ་ཕྱིར།། ཡང་དག་ཏིང་འཛིན་རྒྱུན་མི་འཆད།། དེ་ཕྱིར་ངེས་ཤེས་འགྱུར་བ་མེད།། ཡང་ནི་རྟོགས་དོན་འདིར་གསུངས་པ།། འཁོར་བས་མ་བསླད་ཏིང་འཛིན་ལ།། མ་བསྒོམས་ཆོས་ཉིད་ད་ལྟའི་ཐུགས།། བསྒོམ
iiif viewer powered by OpenSeadragon
