| e-texts navigator |
| Wylie |
323b1 དངོས་མེད་བྱང་ཆུབ་སྐུ།། དེ་ལས་མ་ཡེངས་ངེས་དོན་མཆོག། ཡང་ནི་དགོངས་དོན་འདིར་གསུངས་པ།། དངོས་པོར་མ་མཐོང་ཆོས་སྐུར་མཐོང་།། བསྒོམ་དང་མི་བསྒོམ་ཐ་སྙད་བྲལ།། གང་ལའང་མི་གནས་རིག་པར
323b2 ཤར།། དེ་དོན་སངས་རྒྱས་དགོངས་པ་ཡིན།། ཡང་ནི་དགོངས་དོན་འདིར་གསུངས་པ།། ངེས་པའི་རང་རིག་ཡེ་ཤེས་ལ།། གང་ཡང་མི་བསམ་དྲན་མེད་དེ།། ཡིད་ཆེས་གདེང་དང་ལྡན་པ་མཆོག། དེ་ལ་འགྱུར་མེད
323b3 ཆོས་ཀྱི་སྐུ།། རྫོགས་པ་ཆེན་པོ་ངེས་དོན་འདུས་པ་ལས། ཕྱོགས་བཅུའི་སངས་རྒྱས་ཀྱི་རྟོགས་པ་བརྗོད་པའི་ལེའུ་སྟེ་དོན་བདུན་པའོ།། །། དེ་ནས་ཀུན་བཟང་སྤྱན་ཛར་ནི།། རིག་འཛིན་རྟོགས་པ་བརྗོད་པའི
323b4 ཕྱིར།། རྡོ་གྲོས་གཙོ་དང་རྣམ་དག་སྙིང་།། དམ་པའི་ཡོན་ཏན་འོད་རླབས་ཅན།། ཤེས་རབ་ཛ་མ་རྒྱལ་མཚན་འཛིན།། རྣམ་པར་གྲོལ་བ་ཏིང་འཛིན་དབང་།། ཆོས་དབང་དང་ནི་བསོད་ནམས་བརྩེགས།། བདུད
323b5 འཇོམས་དང་ནི་སེང་གེའི་སྒྲ།། རིན་ཆེན་མཐོང་དང་བརྩེ་བ་ཅན།། དབང་ཕྱུག་གཙོ་དང་ཡིད་དགེ་དང་།། མཐོང་དགའ་བདེན་མོས་གསུང་བརྩེགས་རྣམས།། རང་རང་རྟོགས་པ་བརྗོད་པའི་ཕྱིར།། ངེས་པའི་གདོང
323b6 ཉམས་བརྗོད་པ་ནི།། རྩ་བ་ཆོས་སྐུའི་དོན་བཙལ་བས།། བཙལ་བས་མ་རྙེད་བཞག་པས་རྙེད།། དེ་དོན་རང་བྱུང་དོན་བཙལ་བ།། མ་བསྒོམས་སངས་རྒྱས་ད་ལྟ་ཉིད།། ཡང་ནི་གདེང་ཉམས་འདིར་གསུངས་པ།། ཉོན
323b7 མོངས་མ་སྤངས་དུག་ལྔ་སྐྱེ།། སྤངས་ན་རྩོལ་བའི་གོལ་སྒྲིབ་ཡིན།། སྤང་སྡང་མེད་པའི་དོན་རྟོགས་ན།། ངེས་དོན་དགོངས་པ་དེ་ལས་མེད།། ཡང་ནི་གདེང་ཉམས་འདིར་གསུངས་པ།། གསལ་ལ་མ་ཡེངས་ཆོས་ཀྱི
iiif viewer powered by OpenSeadragon
