| e-texts navigator |
| Wylie |
323a1 དོན་འདིར་གསུངས་པ།། རང་སེམས་དངོས་པོ་མེད་པ་ལ།། རིག་པ་སྟོང་པའི་ངང་ལ་གནས།། དེ་ཕྱིར་རང་བྱུང་ཆོས་ཀྱི་སྐུ།། དེ་ལ་སྐྱོན་གྱིས་གོས་པ་མེད།། ད་ནི་དགོངས་དོན་འདིར་གསུངས
323a2 པ།། རང་བྱུང་རིག་པའི་ཡེ་ཤེས་ལ།། དངོས་པོ་མཚན་མ་མེད་པའི་ཕྱིར།། གང་ལ་འདུ་ཤེས་མེད་འཇུག་པ།། རྟོག་མེད་གསལ་བ་སྒོམ་པའི་མཆོག། ཡང་ནི་དགོངས་དོན་འདིར་གསུངས་པ།། དུས་གསུམ་སྐྱེ་འགག
323a3 མེད་པའི་ཕྱིར།། རང་རིག་ཆོས་སྐུ་ཡེ་ཤེས་གསལ།། ལྔ་ཕྱི་ད་ལྟ་མེད་པར་གནས།། དེ་ལས་མི་འདའ་ཆོས་ཉིད་ལ།། དེ་དོན་མི་རྟོག་དགོངས་པའི་མཆོག། ཡང་ནི་དགོངས་དོན་འདིར་གསུངས་པ།། སངས
323a4 རྒྱས་ཐུགས་ནི་ཆོས་ཀྱི་སྐུ།། ཕུང་པོ་མེད་ཕྱིར་རྒུད་པ་མེད།། སྐྱེ་ཤི་མེད་པ་རང་བྱུང་སྐུ།། དེ་ཉིད་རྟོགས་པ་བལྟ་བ་ལ།། དེ་དོན་ཡེངས་མེད་བསྒོམ་པའི་མཆོག། ཡང་ནི་དགོངས་དོན་འདིར་གསུངས་པ།། ངོ་བོ་ཡེ་ནས
323a5 སངས་རྒྱས་ཕྱིར།། འཁོར་འདས་མེད་པར་རྣམ་པར་དག། སྐྱེ་ཤི་མེད་པའི་རིག་པ་འདི།། དུས་གསུམ་མི་འགྱུར་དགོངས་པ་ཡིན།། ཡང་ནི་དགོངས་དོན་འདིར་གསུངས་པ།། རྒྱུ་རྐྱེན་མ་སྐྱེས་འབྲས་བུ་ལ།། ལུང་ལས
323a6 བྱུ་ཡེ་ཤེས་ཤར།། སེམས་ལས་མ་བྱུང་ཆོས་སྐུ་རྟོགས།། དེ་དང་མི་འབྲལ་དགོངས་པའི་མཆོག། ཡང་ནི་དགོངས་དོན་འདིར་གསུངས་པ།། ཆོས་ཉིད་ངང་ལས་དངོས་པོ་མེད།། དེ་ཕྱིར་མཚན་མ་རང་སར
323a7 གྲོལ།། དེ་ཕྱིར་ཐིག་ལེ་ཉག་གཅིག་ལ།། ཡེངས་མེད་འབྲས་བུ་སངས་རྒྱས་ཉིད།། ཡང་ནི་དགོངས་དོན་འདིར་གསུངས་པ།། སེམས་ཀྱི་ཡུལ་འདས་བྱང་ཆུབ་ཐུགས།། རང་ལ་བལྟས་པས་ཡེ་ཤེས་མཐོང་།། དེ་དོན
iiif viewer powered by OpenSeadragon
