| e-texts navigator |
| Wylie |
322b1 མིན།། དུས་དང་རྣམ་པ་ཐམས་ཅད་ཀྱང་།། འདུས་མ་བྱས་པའི་སངས་རྒྱས་ནི།། དངོས་མེད་རང་བྱུང་རིག་པའི་སྐུ།། དེ་དོན་ཆོས་སྐུ་ཤེས་པ་ལ།། དྲང་བའི་དོན་དུ་གཟུགས་སྐུ་འབྱུང་།། ཐབས་ལ་མི་བརྟེན་ཡོན་ཏན
322b2 རྫོགས།། རྫོགས་པ་ཆེན་པོ་ངེས་དོན་འདུས་པ་ལས། ཡང་དག་པར་ངེས་དོན་སངས་རྒྱ་བར་བསྟན་པའི་ལེའུ་སྟེ་དོན་དྲུག་པའོ།། །། དེ་ནས་རྡོ་རྗེ་སེམས་དཔའ་ཡིས།། འདུས་པའི་འཁོར་ལ་ཕན་གདགས
322b3 ཕྱིར།། ཀུན་རིག་སྟོན་པ་ཆོས་རྗེ་ལ།། བདེན་པའི་ཡིད་ཀྱིས་འདི་སྐད་གསོལ།། རིག་འཛིན་སེམས་དཔའི་དོན་ཆེད་དུ།། སངས་རྒྱས་རྟོགས་པ་བཤད་དུ་གསོལ།། རྒྱལ་སྲས་སྤྲུལ་པའི་དོན་ཆེད་དུ།། རིག་འཛིན།
322b4 རྟོགས་པ་བཤད་དུ་གསོལ།། མཁའ་འགྲོ་རྣམས་ཀྱི་དོན་ཆེད་དུ།། རྒྱལ་སྲས་རྟོགས་པ་འདིར་གསུངས་ཤིག། དད་ཉན་རྣལ་འབྱོར་དོན་ཆེད་དུ།། མཁའ་འགྲོའི་རྟོགས་པ་འདིར་སྨྲོས་ཤིག། དེ་སྐད་ཞུས་པའི་དོན
322b5 གསན་ནས།། ཀུན་རིག་སྟོན་པས་བཀའ་གླལ་པ།། དེ་ཡང་འདུས་པའི་འཁོར་བཞི་ཀུན།། ཕྱི་རབས་རྣལ་འབྱོར་དོན་ཆེད་དུ།། རང་སེམས་ཆོས་སྐུའི་དོན་རྟོགས་པས།། རང་རང་ཐུགས་ལ་མངའ་བ་ཡིས།། ཚིག་ཏུ
322b6 མཚོན་པ་འདིར་སྨྲོས་ཤིག། དེ་སྐད་གསུངས་པའི་དོན་གོ་ནས། ཀུན་རིག་སྟོན་པའི་སྤྱན་སྔ་རུ།། འཁོར་རྣམས་འདུས་པའི་ཚུལ་གྱིས་ནི།། རང་རང་རྟོགས་པ་བརྗོད་པའི་ཕྱིར།། ཉིད་ལས་མི་གཞན་ཕྱོགས་བཅུ
322b7 ནས།། རྡོ་རྗེ་གསང་བའི་རིན་ཆེན་སྙིང་།། དྲི་མེད་གྲགས་པ་ལས་རབ་གྲུབ།། ཞི་བ་བདེ་དང་ཉི་མའི་འོད།། ནམ་མཁའི་སྙིང་པོ་འབུམ་གཟིགས་རྣམས།། གོ་རིམ་བཞིན་དུ་རྟོགས་བརྗོད་ཕྱིར།། ངེས་པའི་དགོངས
iiif viewer powered by OpenSeadragon
