| e-texts navigator |
| Wylie |
320b1 དང་ཤེས་རབ་བྲལ་བའི་ཕྱིར།། ཉན་ཐོས་རང་རྒྱལ་ཉིད་དུ་ལྟུང་།། དེ་ཕྱིར་ངེས་པའི་སངས་རྒྱས་མིན།། དེ་ཡང་རྡོ་རྗེ་སེམས་དཔའ་ཉོན།། བྱང་ཆུབ་སེམས་དཔའི་འབྲས་བུ་ཡང་།། བྱང་ཆུབ་མཆོག་ཏུ་སེམས་བསྐྱེད
320b2 ནས།། འགྲོ་བའི་དོན་དུ་དཀའ་སྤྱད་ཀྱི།། ཐབས་ཀྱི་ཕ་རོལ་ཕྱིན་པ་བཅུས།། སྒྲིབ་གཉིས་སྦྱང་ནས་ཚོགས་གཉིས་རྫོགས།། ད་ཡང་འདུས་པའི་སྙིང་པོ་ཉོན། ཀུན་ཏུ་འོད་ཀྱི་ས་ལ་ནི།། མི་ལུས་མེད་པར་ལོངས་སྐུའི
320b3 ཚུལ།། མཚན་དང་དཔེ་བྱད་ཐམས་ཅད་ལྡན།། དོན་དམ་རང་བཞིན་མེད་པའི་ཕྱིར།། སངས་རྒྱས་ཆེ་བའི་ཆོས་ཀུན་མཁྱེན།། གདུལ་བྱ་འཁོར་གྱིས་ལོངས་སྐུ་མཐོང་།། ད་ཡང་འཁོར་གྱི་སྙིང་པོ་ཉོན།། བྱང་ཆུབ
320b4 སེམས་དཔའི་སངས་རྒྱས་ཀྱང་།། ཡང་ཏི་རྫོགས་ཆེན་ལ་ལྟོས་ན།། ངེས་དོན་སྙིང་པོ་མ་མཐོང་ཕྱིར།། གཞི་ན་མ་རིག་ཡོད་པས་ན།། རྩོལ་བ་བྱས་པས་ཆོས་སྐུ་བསྒྲིབས།། དེ་ཕྱིར་ཡང་དག་སངས་རྒྱས་མིན།། རྫོགས
320b5 པ་ཆེན་པོ་ངེས་དོན་འདུས་པ་ལས། རྒྱུ་མཚན་ཉིད་ཀྱི་སངས་རྒྱས་བསྟན་པའི་ལེའུ་སྟེ་དོན་གསུམ་པའོ།། །། དེ་ནས་ཀུན་རིག་རྒྱལ་པོ་ཡིས།། འདུས་པའི་འཁོར་ལ་བཀའ་སྩལ་པ།། ཀྲི་ཡ་ལྷ་དང་ལྷ་མོ་དང་།། ཕོ
320b6 མོ་གཉིས་ཀྱི་ཚུལ་དུ་གནས།། མ་སྲིང་ལྕམ་དྲལ་ཚུལ་དུ་ཡོད།། ཐབས་དང་ཤེས་རབ་བདེ་བ་ཡང་།། ལྷ་ཡི་ཚུལ་དུ་བལྟས་པས་ཚིམ།། མི་ཚེ་བདུན་དུ་བསྒྲུབས་པའི་མཐུས།། དྲང་སྲོང་རིག་འཛིན་ས་ཐོབ་ཚེ།། སྐྱེ་བ
320b7 མེད་པའི་རྡོ་རྗེ་འཛིན།། རིགས་གསུམ་མགོན་པོ་སངས་རྒྱས་པ།། བྲམ་ཟེའི་ཚུལ་དུ་གཙང་སྤྱོད་པས།། དག་པའི་སངས་རྒྱས་འབའ་ཞིག་འདོད།། ད་ཡང་འདུས་པའི་སྙིང་པོ་ཉོན།། ཀུན་ཀྱང་ལོངས་སྤྱོད་རྫོགས་སྐུ
iiif viewer powered by OpenSeadragon
