| e-texts navigator |
| Wylie |
320a1 མཚོ་རུ།། ཆུ་བྲན་མང་པོ་ཀུན་འདུས་ཕྱིར།། རྒྱ་མཚོ་ཆེན་པོར་རོ་གཅིག་ཀྱང་།། ཆོས་སྐུ་ཐིག་ལེ་ཉག་གཅིག་ཏུ།། ལྷ་སྒོམ་སྤྱོད་པ་འབྲས་བུ་འདུས།། དེ་ཕྱིར་རང་རིག་ཆོས་སྒྲ་ཉིད།། དེ་རྩལ་སྣང་བ
320a2 ཆོས་དབྱིངས་ལ།། གང་ཡང་མ་འགགས་ལྷུན་གྱིས་གྲུབ།། རྫོགས་པ་ཆེན་པོ་ངེས་དོན་འདུས་པ་ལས། འགྱུར་བ་མེད་པའི་དཔེ་དོན་མཐར་ཐུག་བསྟན་པའི་ལེའུ་སྟེ་དོན་གཉིས་པའོ།། །། དེ་ནས་རྡོ་རྗེ་སེམས
320a3 དཔའ་ཡིས།། འདུས་པའི་འཁོར་ལ་ཕན་གདགས་ཕྱིར། ཀུན་རིག་ཆོས་ཀྱི་རྒྱལ་པོ་ལ།། ངེས་པའི་དགོངས་དོན་འདི་སྐད་གསོལ།། མཚན་ཉིད་སངས་རྒྱས་ཇི་ལྟར་བཞེད།། ཀྲི་ཡ་སངས་རྒྱས་ཇི་ལྟར་འདོད།། བསྐྱེད
320a4 རྫོགས་གཉིས་ཀྱི་སངས་རྒྱས་གང་།། ཡང་ཏི་སངས་རྒྱས་ཇི་ལྟར་གནས།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། ཀུན་རིག་སྟོན་པས་བཀའ་སྩལ་པ།། ཉན་ཐོས་རང་རྒྱལ་མདོ
320a5 སྡེ་ནི།། བསྐལ་པ་གྲངས་མེད་གསུམ་དུ་ནི།། ཚོགས་ནི་རྣམ་པ་གཉིས་བསགས་ཏེ།། ལམ་ལྔ་རིམ་གྱིས་དགྲོད་བྱས་ནས།། དཀའ་ཐུབ་མཐར་ཕྱིན་འབྲས་བུར་ངེས།། བུད་མེད་ལུས་བོར་ཕོ་ལུས་ཐོབ།། བདེན་བཞི
320a6 སྤང་བླང་ཉན་ཐོས་ཀྱི།། ས་རྣམས་གནོན་པའི་འབྲས་བུ་ནི།། དགྲ་བཅོམ་ཆེན་པོ་སྡུག་བསྔལ་བྲལ།། ཚངས་པར་སྤྱོད་པ་དགེ་སློང་ཚོགས།། བདེ་སྒྱིད་ལྡན་པ་སྦྲུལ་སྐུའི་ཚུལ།། བྱ་བ་བྱས་ཤིང་བྷ་ར་ཧན།། ཟག་པ
320a7 མེད་ཅིང་འཁོར་བ་སྟོངས།། དེ་ཡང་འདུས་པའི་སྙིང་པོ་ཉོན།། ཡང་ཏི་རྫོགས་ཆེན་ལ་ལྟོས་ན།། འགྲོ་དོན་མི་བྱེད་ཐབས་དང་བྲལ།། ཆོས་སྐུ་མ་རྟོགས་ཤེས་རབ་བྲལ།། ལུང་ལྡན་ངེས་པའི་དོན་མི་མཐོང་།། ཐབས
iiif viewer powered by OpenSeadragon
