| e-texts navigator |
| Wylie |
31b1 ན།། དམ་ཚིག་སྒྲོལ་མ་ཞེས་བགྱི་དོན་ལ་སྦྱོར།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། སྤྱིའི་མཚན་ཉིད་བསྟན་པ་དང་། རིགས་ལྔ་ཡུམ་ལྔར་སྦྱོར་བ་བསྟན་པའི་ལེའུ་སྟེ་སོ་གཅིག
31b2 པའོ།། །། དེ་ནས་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ་འཆང་།། འཁོར་རྣམས་དོན་ལ་ཇི་ལྟར་སྦྱར།། ཞེས་ཞུས་སོ།། སྟོན་པས་བཀའ་སྩལ་པ། ཀྱེ་ཀྱེ་རྡོ་རྗེ་འཛིན་པ། འཁོར་གྱི་རྣམ་གྲངས
31b3 མང་མོད་ཀྱང་།། ཡབ་ཀྱི་ཆ་འཛིན་ཡབ་ལ་སྦྱོར།། ཡུམ་གྱི་ཆ་འཛིན་ཡུམ་ལ་སྦྱོར།། ཡབ་ཡུམ་གང་ཡང་གོང་དུ་སྦྱར་བ་བཞིན།། ཞེས་གསུངས་སོ།། དེ་ནས་གསང་བའི་བདག་པོས་ཞུས་པ། ཀྱེ་ཀྱེ་བཅོམ་ལྡན་རྡོ་རྗེ
31b4 འཆང་།། འཁོར་རྣམས་དོན་དུ་སྦྱར་བ་གསུང་བར་ཞུ།། ཞེས་ཞུས་སོ།། སྟོན་པས་བཀའ་སྩལ་པ། མི་བསྐྱོད་ཆེན་པོའི་ཞལ་གཟིགས་པས།། མེ་ལོང་ཡེ་ཤེས་དོན་རིག་པ།། ས་ཡི་སྙིང་པོ་དོན་ཀྱི་མཚན།། གསལ་བའི
31b5 རྟེན་གྱུར་མ་སྐྱེས་བྱམས་པའི་དོན།། གཟིགས་པའི་རྣམ་པ་མ་འགགས་པས།། དེ་གཉིས་དུས་མཚུངས་ལཱ་སྱ་པུཥྤེའི་མཚན།། རིན་བྱུང་ཆེན་པོ་ཞལ་གཟིགས་པས།། མཉམ་ཉིད་ཡེ་ཤེས་རིག་པ་ཀུན་ཏུ
31b6 བཟང་།། གསལ་བའི་རྟེན་གྱུར་མ་སྐྱེས་ནམ་མཁའི་དོན།། དོན་གྱི་དྲི་གསལ་མཱ་ལེ་དྷ་པེའི་དོན།། འོད་དཔག་མེད་ཀྱི་ཞལ་གཟིགས་པས།། སོ་སོར་ཀུན་རྟོགས་ཡེ་ཤེས་དོན་རིག་པ།། སྤྱན་རས་གཟིགས་ཀྱི་དོན་དང
iiif viewer powered by OpenSeadragon
