| e-texts navigator |
| Wylie |
319a1 རྫོགས་སྐུའི་འགྲོ་དོན་བྱེད།། དེ་ཡང་འདུས་པའི་སྙིང་པོ་ཉོན།། ཐུགས་ཀྱི་སྤྲུལ་པ་བྱུང་བ་ནི།། རྡོ་རྗེ་སེམས་དཔའ་ཉིད་ཡིན་ཏེ།། སྣོད་དང་ལྡན་པའི་རིག་འཛིན་ལ།། རྒྱུད་ལུང་གཉིས་ཀྱི་ངེས་པའི
319a2 ས།། སྐྱེ་བ་གཅིག་ཏུ་བསྒྲུབ་གྱུར་ན།། རྡོ་རྗེ་འཆང་གི་ས་ལ་འདུག། ད་ཡང་འདུས་པའི་སྙིང་པོ་ཉོན།། སྨན་མཆོག་རྒྱལ་པོ་ཆེན་པོ་ནི།། ལྷ་ཡི་བདུད་རྩི་མ་གི་ཏས།། ཤི་བ་ཀུན་བསླང་སྨན་གྱི་མཆོག། གང་ལ་རེག
319a3 པས་འཚོ་བ་ལྟར།། ཡང་ཏིག་ཐིག་ལེ་ཉག་གཅིག་ལ།། ངེས་པའི་ལུང་ལྡན་དོན་བསྟན་ན།། ལུས་ངག་རྩོལ་བ་མི་དགོས་ཕྱིར།། བསྟན་དང་སངས་རྒྱས་དུས་མཉམ་བྱུང་།། དེ་ཕྱིར་མན་ངག་ཤེས་པས་ཆོག། དེ་ཡང
319a4 འདུས་པའི་སྙིང་པོ་ཉོན།། གསུང་གི་སྤྲུལ་པ་ཤཱཀ་ཐུབ་ཀྱིས།། སེམས་ཅན་སྐྱེ་བོ་ལས་དག་ལ།། སྡེ་སྣོད་རྣམ་པ་གསུམ་གྱི་ཆོས།། བསྐལ་པ་གྲངས་མེད་རྣམ་གསུམ་ན།། འབྲས་བུ་བཅུ་གཅིག་ས་གནོན་འདོད།། ད
319a5 ཡང་འདུས་པའི་སྙིང་པོ་ཉོན།། དཔེར་ན་དཔག་བསམ་ལྗོན་ཤིང་ལས།། བསོད་ནམས་ཆེ་ཆུང་རིམ་པ་ཡིས།། འབྲས་བུ་སྣ་ཚོགས་རབ་འབྲིང་འབྱུང་།། དེ་ཕྱིར་ལས་དང་རྐྱེན་ལས་འབྱུང་།། དེ་བཞིན་དྲང་དོན་ཆོས
319a6 རྣམས་ཀུན།། གང་ཟག་བློ་ཡི་རིམ་པ་ལ།། ཅི་རིགས་པ་ཡི་ཆོས་བསྟན་པས།། འབྲས་བུ་ལྷ་དང་མི་རུ་སྐྱེ།། ད་ཡང་འདུས་པའི་སྙིང་པོ་ཉོན།། དྲང་དོན་ཆོས་ཀྱིས་སངས་མི་རྒྱུ།། ཨ་མྲའི་འབྲས་བུ་སྨིན་མི་སྲིད།། མ
319a7 རྟོགས་ཆོས་ཀུན་ཅི་སྤྱད་ཀྱང་།། རྣམ་པར་གྲོལ་བར་མི་འགྱུར་རོ།། རྫོགས་པ་ཆེན་པོ་ངེས་དོན་འདུས་པ་ལས། རང་རིག་འབྲས་བུ་མཐར་ཐུག་པའི་ལེའུ་སྟེ་དོན་གཅིག་པའོ།། །། དེ་ནས་འདུས་པའི་འཁོར
iiif viewer powered by OpenSeadragon
