| e-texts navigator |
| Wylie |
318b1 རྣམས་ལ།། ཀུན་རིག་སྟོན་པས་བཀའ་སྩལ་པ།། འབྲས་བུ་ངེས་པར་མཐར་ཐུག་ཕྱིར།། ཆེ་བའི་ཡོན་ཏན་གཏན་ལ་དབབ།། དེ་དོན་ལེགས་པར་ངས་བཤད་ཉོན།། འཁོར་འདས་གཉིས་ཀྱི་གཞི་གྱུར་པ།། རང་བྱུང་ངོ
318b2 བོ་ཉིད་ཀྱི་སྐུ།། དེ་ལས་འཁོར་འདས་ཐམས་ཅད་སྐྱེས།། གཞི་ལ་འཁོར་འདས་གྲུབ་པ་མེད།། འཁྲུལ་ངོར་བདེན་གྱིས་དོན་ལ་མེད།། དེ་ཕྱིར་རང་བྱུང་ཀུན་གྱི་གཞི།། དེ་ལ་བསྐྱེད་པར་ནུས་པ་མེད།། དེ་ཡང་རྡོ་རྗེ
318b3 སེམས་དཔའ་ཉོན།། དཔེར་ན་གསེར་རྒྱུ་གཅིག་པ་ལ།། དབྱིབས་དང་གཟུགས་ནི་ཐ་དད་པ།། བྱས་པ་དེ་དག་མིང་རེ་གྲགས།། གྲགས་ཀྱང་གསེར་གྱི་ངོ་བོ་གཅིག། དེ་བཞིན་འཁོར་འདས་སྣ་ཚོགས་ལ།། བླུན་པོ
318b4 རྣམས་ཀྱིས་ཐ་དད་བཟུང་།། དེ་ལ་སྤང་སྡུད་ཞེན་པ་བྱས།། གཞི་ལ་ངོ་བོ་གཅིག་ལས་མེད།། དེ་ཡང་འདུས་པའི་སྙིང་པོ་ཉོན།། དཔེར་ན་ནོར་བུ་རིན་ཆེན་ལྟར།། རྙེད་པ་ཡོད་ལ་སྟོར་བ་མེད།། རང་བྱུང་ངོ་བོ་རྟོགས
318b5 པ་ལ།། མ་བཙལ་ཡོན་ཏན་ཐམས་ཅད་བྱུང་།། དེ་ཕྱིར་ཆོས་སྐུ་ཉིད་ཀྱི་རྩལ།། རྟོགས་པའི་བྱིན་རླབས་སྐུ་གསུམ་བྱུང་།། ཆོས་སྐུ་ཀུན་བཟང་ངེས་དོན་ལ།། རྟོགས་པས་ཕྱོགས་ཕྱིར་ཡེ་སངས་རྒྱས།། དེ་ཡང་འདུས་པའི
318b6 སྙིང་པོ་ཉོན།། སྐུ་ཡི་སྤྲུལ་པ་སྣང་མཛད་ཀྱིས།། དག་པ་སྤྱོད་པའི་རྣལ་འབྱོར་ལ།། ཕྱི་རྒྱུད་རྣམ་གསུམ་ཆོས་བསྟན་ཏེ།། རྡོ་རྗེ་འཛིན་པའི་ས་རུ་བཏགས།། དཔེར་ན་གསེར་སྦྲུལ་མིག་གིས་ནི།། འདོད་པའི་ཡོན་ཏན
318b7 རྣམ་ལྔ་ཡང་།། དུས་གཅིག་ཉམས་སུ་མྱོང་བ་ཡིན།། དར་ཡ་ཀན་གྱི་སྨན་མཆོག་བཞིན།། སྐུ་དང་ཡེ་ཤེས་མ་ལུས་པའི།། ཆེ་བའི་ཡོན་ཏན་འབྱུང་འདོད་པས།། གཞན་དོན་སྨོན་ལམ་མཐར་ཕྱིན་པ།། ལོངས་སྤྱོད
iiif viewer powered by OpenSeadragon
