| e-texts navigator |
| Wylie |
318a1 ཡིན། ཀུན་གཞི་ཆོས་སྒྲའི་གཞི་ཆ་ལ།། སྔ་ཕྱི་བག་ཆགས་མེད་པར་གསལ།། འབྱུང་ལྔའི་རོལ་པ་སྣ་ཚོགས་ཀྱང་།། ཞེན་པ་མེད་ཕྱིར་ཆོས་ཉིད་དབྱིངས།། ཡང་དག་ངེས་པའི་འབྲས་བུ
318a2 རྙེད།། ལོངས་སྤྱོད་རྫོགས་པའི་སྐུའི་སྒོ་ནས།། ལྡེམ་དགོངས་ཕྱི་ནང་གསང་བའི་དོན།། ས་བཅུའི་རིག་འཛིན་སེམས་དཔའ་ལ།། གསང་སྔགས་རང་གི་ངོ་བོས་སྟོན།། རྫོགས་པ་ཆེན་པོ་ངེས་དོན་འདུས་པ་ལས།།
318a3 ལོངས་སྐུའི་འཁོར་གྱི་གདུལ་བྱ་བསྟན་པའི་ལེའུ་སྟེ་རེ་དགུ་པའོ།། །། དེ་ནས་འདུས་པའི་ཚོགས་རྣམས་ལ།། ཀུན་རིག་སྟོན་པས་བཀའ་སྩལ་པ།། སྤྲུལ་པའི་སྐུ་ཡི་སངས་རྒྱས་ནི།། ཇི་ལྟར་སྟོན་ཕྱིར་སྤྲུལ་པའི
318a4 སྐུ།། འགྲོ་བའི་དོན་ཕྱིར་གདུལ་བྱ་ལ།། ཅི་རིགས་པར་ནི་དོན་མཛད་དོ།། ད་ཡང་འདུས་པའི་སྙིང་པོ་ཉོན།། གཞན་དོན་སྦྲུལ་སྐུའི་མཐུན་དཔེ་ནི།། ངེས་མེད་བྲག་ཆ་ཁྱུང་དང་ནི།། སེང་གེ་ཆུ་ཟླ་གཟུགས་བརྙན
318a5 དང་།། ཨུ་དུམ་ཝ་རའི་མེ་ཏོག་འདྲ།། སྦྲུལ་སྐུ་རང་གི་ངོ་བོ་ནི།། ཐུབ་པ་དྲུག་ཏུ་སྐུ་སྤྲུལ་ཏེ།། མི་ཡིས་ཤཱཀྱ་ཐུབ་པར་མཐོང་།། ལྷ་མི་རྣམས་ཀྱི་སྟོན་པ་ཡིན།། ད་ཡང་རྡོ་རྗེ་སེམས་དཔའ་ཉོན།། ཞིང་ཁམས་གསུམ་ཀྱི
318a6 ནས་འདི་ཡི།། འགྲོ་དྲུག་སེམས་ཅན་ལས་དག་ནས།། ཚོགས་གཉིས་བསག་ཐབས་ལ་བརྟེན་ནས།། སྒྲིབ་སྐྲངས་འབྲས་བུ་རིམ་གྱིས་འབྱུང་།། སྦྲུལ་སྐྲའི་གསུང་གི་སྒོ་ནས་ནི།། གང་ལ་གང་འོས་དྲང་དོན་དུ།། དགེ
318a7 སྡིག་རྒྱུ་འབྲས་གཉིས་ཀྱི་ཆོས།། སྡེབ་སྦྱོར་ལེགས་པའི་ཚིག་ཏུ་སྟོན།། རྫོགས་པ་ཆེན་པོ་ངེས་དོན་འདུས་པ་ལས། སྦྲུལ་སྐུའི་འཁོར་གྱི་གདུལ་བྱ་བསྟན་པའི་ལེའུ་སྟེ་བདུན་ཅུ་པའོ།། །། དེ་ནས་འདུས་པའི་འཁོར
iiif viewer powered by OpenSeadragon
