| e-texts navigator |
| Wylie |
317b1 ལས།། ཆོས་སྐུར་རང་བྱུང་རིག་པ་དེ།། དུས་གསུམ་དག་ཏུ་སྐྱེ་འགག་མེད།། འགྲོ་འོང་མེད་པར་ཡེ་ནས་གནས།། དེ་ཡང་འདུས་པའི་སྙིང་པོ་ཉོན།། ངེས་དོན་ཆོས་སྐུའི་མཐུན་དཔེ་ནི།། འདུས་མ་བྱས་པའི་ནམ
317b2 མཁའ་ཆེ།། དངོས་མེད་ཀུན་ཁྱབ་དུས་གསུམ་གཅིག། མཐའ་དབུས་རིས་སུ་དབྱེ་རུ་མེད།། དེ་དོན་རང་བྱུང་ངོ་བོ་དེ།། ཚིག་ཏུ་བརྗོད་མེད་རང་རིག་སྐུ།། ཐུགས་ལ་གསལ་ཕྱིར་ངེས་ཤེས་པས།། དེ་ཕྱིར་ཀུན་བཟང
317b3 ཆོས་ཀྱི་སྐུ།། ཞིང་ཁམས་ཆོས་ཉིད་བདེ་བའི་ཀློང་།། རང་བཞིན་འོག་མིན་བྱང་ཆུབ་ཐུགས།། དེ་ལས་འགྱུར་བ་རྡུལ་ཙམ་མེད།། རང་བྱུང་རིག་པ་རྣམ་པར་དག། སྙིང་པོ་ཆོས་སྐུ་ཐུགས་སྒོ་ན།། རྒྱུ་འབྲས་གཞི་ལ་མེད
317b4 པའི་དོན།། ཆོས་ཉིད་རྩོལ་བྲལ་སྙིང་པོ་ཡིས།། འཁོར་འདས་མ་རིག་ལྷུན་རྫོགས་ཆོས།། ཆོས་སྐུ་སྟོན་པ་ཀུན་བཟང་གིས།། དགོངས་པའི་ངེས་དོན་བྱིན་བརླབས་ཀྱིས།། ཕྱོགས་བཅུའི་ཉིད་ལས་མི་གཞན
317b5 འཁོར།། དུས་གསུམ་སངས་རྒྱས་ཉིད་ལ་བཤད།། རྫོགས་པ་ཆེན་པོ་ངེས་དོན་འདུས་པ་ལས། ཆོས་སྐུའི་གདུལ་བྱ་བསྟན་པའི་ལེའུ་སྟེ་རེ་བརྒྱད་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་རྒྱལ
317b6 པོས་བཀའ་སྤྲུལ་པ།། སངས་རྒྱས་ལོངས་སྤྱོད་རྫོགས་པའི་སྐུ།། དེ་ཡི་གདུལ་བྱ་ངེས་པར་འབྱུང་།། དེ་དོན་ལེགས་པར་བཤད་ཀྱིས་ཉོན།། ལོངས་སྐུ་འབྱུང་བའི་མཐུན་དཔེ་ནི།། ནམ་མཁའ་དངོས་མེད་སྟོང་པ
317b7 ལ།། གཞའ་ཚོན་རྣམ་ལྔ་མ་འདྲེས་གསལ།། དེ་ཙམ་ཉིད་ནས་དངོས་མེད་ཡིན།། དེ་བཞིན་རང་གི་ངོ་བོ་ཡང་།། སྐྱེ་མེད་ཆོས་སྐུ་ཉིད་ཀྱི་རྩལ།། རིགས་ལྔ་སྐུ་མདོག་བརྒྱན་པ་འབྱུང་།། དེ་ཕྱིར་ལོངས་སྐུའི་སངས་རྒྱས
iiif viewer powered by OpenSeadragon
