| e-texts navigator |
| Wylie |
317a1 ལས།། སངས་རྒྱས་འབྲས་བུ་ད་ལྟ་ཐོབ།། དེ་ཕྱིར་རང་བློ་ངོ་བོ་ཉིད།། དུས་འདིར་རྩོལ་བས་བཙལ་དུ་མེད།། འཛིན་མེད་གསལ་བས་སྒོམ་དུ་མེད།། དེ་ཕྱིར་ཡང་དག་དགོངས་པའི་གདེང་།། དེ་དང་སུ
317a2 ལྡན་རྣལ་འབྱོར་མཆོག། ད་ཡང་འདུས་པའི་སྙིང་པོ་ཉོན།། བྱང་ཆུབ་སེམས་ནི་རྣམ་དག་པས།། དེ་དོན་རང་བྱུང་དོན་རྟོགས་པས།། སངས་རྒྱས་གཞན་དུ་བསྒྲུབ་མི་དགོས།། དེ་ཕྱིར་ལུང་ལྡན་གདམས་ངག
317a3 གཅེས།། ཆོས་ཉིད་དག་ཏུ་བློ་གྲོལ་ཕྱིར།། ཉོན་མོངས་དུག་ལྔ་རང་སར་གྲོལ།། དེ་ལ་སྐྱོན་གྱིས་མ་གོས་ཏེ།། རང་བྱུང་ལུས་ལ་ཡེ་ཤེས་ཐུགས།། སེམས་ཅན་རང་བློ་འཛིན་པ་མེད།། དེ་ཕྱིར་ཉམས་པ་རྡུལ་ཙམ
317a4 མེད།། དེ་ཡང་འདུས་པའི་སྙིང་པོ་ཉོན།། འཇིག་རྟེན་མ་ལུས་ཐམས་ཅད་ཀུན།། བསམ་གྱིས་མི་ཁྱབ་ཚིག་གྱུར་ཀྱང་།། ནམ་མཁའ་ཚིག་པར་མི་འགྱུར་བཞིན།། ངེས་དོན་རྟོགས་པའི་རྣལ་འབྱོར་ལ།། ལྷ་སྲིན་མཁའ
317a5 འགྲོས་དགྲར་ལངས་ཀྱང་།། གནོད་པས་མི་ཚུགས་ཇི་བཞིན་བྱེད།། དེ་ཕྱིར་ལུང་ལྡན་ཤིན་ཏུ་གཉེན།། རྫོགས་པ་ཆེན་པོ་ངེས་དོན་འདུས་པ་ལས། རང་བློ་ངོ་བོ་ཉིད་དུ་གྲོལ་བའི་གཏན་ཚིགས་བསྟན་པའི་ལེའུ་སྟེ་རེ
317a6 དུན་པའོ།། ། དེ་ནས་ཀུན་རིག་སྟོན་པ་ལ།། འདུས་པའི་འཁོར་གྱི་དོན་ཆེད་དུ།། རྡོ་རྗེ་སེམས་དཔས་འདི་སྐད་གསོལ།། ངེས་དོན་གདུལ་བྱ་འབྲས་བུ་ཡི།། སྐུ་གསུམ་སྟོན་པ་ཇི་ལྟར་འབྱུང་།། དེ་འཁོར་ལས
317a7 ཅན་གང་ལ་གསུངས།། འགྱུར་མེད་རྒྱུན་གྱི་དཔེ་དོན་གང་།། མཉམ་པའི་རྒྱལ་པོས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། ཀུན་རིག་སྟོན་པས་བཀའ་སྩལ་པ།། སངས་རྒྱས་ངོ་བོ་སྐུ་གསུམ
iiif viewer powered by OpenSeadragon
