| e-texts navigator |
| Wylie |
316b1 མེད།། གཅིག་ཏུ་མ་སོང་ཀུན་ལ་ཡོད།། དེ་ཡང་རྡོ་རྗེ་སེམས་དཔའ་ཉོན།། ཆོས་ཅན་རང་གི་མཚན་ཉིད་ནི།། གདོད་ནས་གཉིས་སུ་མེད་པ་ཡི།། ཆོས་རྣམས་རྩ་བ་གཅིག་པའི་དོན།། གཏན་ཚིགས་དག་གིས
316b2 ཡིད་ཆེས་བྱ།། གཉིས་མེད་ཅེས་སུ་བཏགས་པ་ནི།། འདྲེས་པའི་དོན་གྱིས་མ་ཡིན་ཏེ།། གང་དང་མ་འདྲེས་རང་བྱུང་སྒྲ།། ཆད་དང་གཉིས་མེད་མ་ཡིན་ཏེ།། སངས་རྒྱས་སྙིང་པོ་ཆོས་སྐུ
316b3 ཡོད།། དེ་ཕྱིར་གཞི་ལ་འཁོར་འདས་མེད།། གཉིས་ཀ་མེད་ཕྱིར་མཐར་མ་རིག། རང་བྱུང་ཆོས་སྐུ་ནམ་མཁའ་འདྲ།། རྫོགས་པ་ཆེན་པོ་ངེས་དོན་འདུས་པ་ལས།། མཚན་ཉིད་གཉིས་སུ་མེད་པའི་གཏན་ཚིགས་བསྟན
316b4 པའི་ལེའུ་སྟེ་རེ་དྲུག་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། ངོ་བོ་ཉིད་དུ་སྔོ་གྲོལ་བ།། གཏན་ཚིགས་ངེས་པར་ཡིད་ཆེས་དོན།། ལུས་ངག་རྩོལ་བ་མེད་པའི
316b5 ཕྱིར།། རང་བྱུང་ཇོ་ལ་འཆིང་གྲོལ་མེད།། དེ་ཕྱིར་ངོ་བོ་ཉིད་དུ་གནས།། དེ་ཡང་རྡོ་རྗེ་སེམས་དཔའ་ཉོན།། གཟུང་འཛིན་སྐྱོན་གྱིས་མ་གོས་པས།། རྣམ་རྟོག་ཇོ་ནི་རང་སར་གྲོལ།། དེ་ཕྱིར་ངེས་དོན་ཡེ་ཤེས
316b6 ཀློང་།། རྒྱུ་དང་རྐྱེན་ལས་མ་བྱུང་བས།། རང་བྱུང་ངོ་བོ་ཉིད་ཀྱི་སྐུ།། དེ་ཉིད་རྟོགས་པས་ཆོས་སྐུར་གྲོལ།། ཡང་དག་སངས་རྒྱས་འདི་ལས་མེད།། དེ་ཡང་རྡོ་རྗེ་སེམས་དཔའ་ཉོན།། ཆོས་ཉིད་དུས་གསུམ་མི་འགྱུར
316b7 ཕྱིར།། ལས་ཀྱི་དབང་དུ་གཞི་མི་འགྱུར།། དེ་ཕྱིར་ཆོས་སྐུ་རྟོགས་པས་གྲོལ།། དེ་ལས་སོགས་པ་གང་ཡང་མེད།། ངེས་པའི་ལུང་ལྡན་ཡིད་ཆེས་པའི།། ངེས་པའི་གདེང་རྙེད་རྣལ་འབྱོར་པས།། མི་ཡི་ལུས་ནི་འདི་ཉིད
iiif viewer powered by OpenSeadragon
