| e-texts navigator |
| Wylie |
316a1 བཞིན་སྙིང་རྗེ་ཆགས།། ཞེན་པ་གང་ཡང་མེད་པའི་ཕྱིར།། དེ་ཡང་འགག་མེད་རོལ་པ་ཡིན།། གོལ་དང་ལྟུང་བ་མེད་པའི་ཕྱིར།། ཆོས་ཉིད་གཞན་དང་ཕྲག་དོག་མེད།། དེ་ཕྱིར་རང་བྱུང་ཆེན་པོར
316a2 ཤར།། དེ་ཡང་འགག་མེད་རོལ་པ་ཡིན།། ད་ཡང་འདུས་པའི་སྙིང་པོ་ཉོན།། འབྱུང་བ་འདོད་ཡོན་དུག་ལྔ་ཡང་།། ཐམས་ཅད་ཡེ་ཤེས་ཆོས་སྐུར་ཤར།། ཀུན་གཞི་རང་བྱུང་དེ་ཤེས་པས།། ཀུན་ལ་དབང་བསྐུར་ཐོབ
316a3 པ་ཡིན།། རྫོགས་པ་ཆེན་པོ་ངེས་དོན་འདུས་པ་ལས། རོལ་པ་འགག་མེད་ཀྱི་གཏན་ཚིགས་བསྟན་པའི་ལེའུ་སྟེ་རེ་ལྔ་པའོ།། །། དེ་ནས་ཀུན་རིག་སྟོན་པ་ཡིས།། འདུས་པའི་འཁོར་ལ་བཀའ་སྩལ
316a4 པ།། མཚན་ཉིད་གཉིས་མེད་གཏན་ཚིགས་ཀྱི།། ངེས་དོན་རྩ་བ་ཆོས་སྐུ་ལ།། ལུང་ལྡན་རྐྱེན་གྱིས་ཡིད་ཆེས་བྱ།། སངས་རྒྱས་སེམས་ཅན་ངོ་བོ་ལ།། རང་བྱུང་ཡིན་ཕྱིར་གཉིས་སུ་མེད།། དེ་ཡང་རྡོ་རྗེ་སེམས་དཔའ
316a5 ཉོན།། དེ་ཉིད་རྟོགས་པས་འཁོར་འདས་དག། དེ་ཕྱིར་མཚན་ཉིད་གཉིས་སུ་མེད།། ཕྱི་དང་ནང་དང་སྣོད་དང་བཅུད།། མཐོ་རིས་ངན་སོང་དགེ་དང་སྡིག། དག་དང་མ་དག་གཙང་རྨེ་དང་།། ཡིན་དང་མིན་དང
316a6 ང་དོར་དང་།། བྱ་དང་མི་བྱ་སྐྱོན་ཡོན་སོགས།། ཐ་སྙད་གཉིས་སུ་གསུངས་པ་ཀུན།། དཔེར་ན་རི་བོང་རྭ་བཞིན་དུ།། ཚིག་ཏུ་ཡོད་ལ་དོན་ལ་མེད།། དེ་ཕྱིར་མཚན་ཉིད་གཉིས་མེད་པའི།། གཏན་ཚིགས་ཆེན་པོར
316a7 བཞག་པ་ཡིན།། དེ་ཡང་འདུས་པའི་སྙིང་པོ་ཉོན།། མཐའ་དང་བྲལ་བའི་ཆོས་སྐུ་འདི།། མེད་པ་མ་ཡིན་དྲན་དང་ཚོར།། ཆད་པ་མ་ཡིན་རིག་ཅིང་གསལ།། རྟག་པ་མ་ཡིན་དངོས་པོ་མེད།། གཉིས་སུ་མ་སོང་ཟླ་བོ
iiif viewer powered by OpenSeadragon
