| e-texts navigator |
| Wylie |
315b1 རོལ་པ་འགགས་པ་མེད།། ད་ཡང་འདུས་པའི་སྙིང་པོ་ཉོན།། ཆོས་སྐུ་ངོ་བོ་ཉིད་ཀྱི་རྩལ།། སྣང་བ་འདི་ནི་ཆོས་ཀྱི་དབྱིངས།། དེ་ཡང་རང་གསལ་ཆོས་ཉིད་རྩལ།། འབྱུང་བ་ཡེ་ཤེས་ལྔ་རུ་དག། དེ་ཕྱིར་འགག་མེད
315b2 རོལ་པ་ཡིན།། དེ་ཡང་རྡོ་རྗེ་སེམས་དཔའ་ཉོན།། ཐེག་པའི་ཆོས་རྣམས་ཐམས་ཅད་ནི།། མ་འདྲེས་ཡོངས་རྫོགས་གསལ་སྟོང་གཟུགས།། ཅིར་ཡང་སྣང་བ་སྤྲུལ་པའི་སྐུ།། དེ་ཕྱིར་རོལ་པ་འགག་མེད་ཡིན།། སྣང་སྲིད
315b3 འབྱུང་བའི་སྒྲ་སྐད་ཀུན།། ཁྱད་གསལ་རང་བཞིན་གོ་བའི་སྒྲ།། གསང་སྔགས་གསུང་གི་འཁོར་ལོར་ཤར།། དེ་ཡང་འགག་མེད་རོལ་པ་ཡིན།། ད་ཡང་འདུས་པའི་སྙིང་པོ་ཉོན།། རང་གིས་ངེས་པའི་ཡེ་ཤེས་ཀྱི།། དད
315b4 པས་ཚིམས་བྱེད་ཆོས་ཀྱི་དྲི།། ལྷག་མཐོང་ཚོར་བ་རང་བྱུང་སྐུ།། དེ་ཡང་ཆོས་ཉིད་རོལ་པ་ཡིན།། ཆོས་སྐུ་ཐིག་ལེ་ཉག་གཅིག་ལ།། རྩལ་ནི་ཆོས་ཉིད་ཉམས་སུ་མྱོང་།། མྱོང་ཡང་དོན་དུ་འཛིན་པ་མེད།། དེ་ཡང་འགག
315b5 མེད་རོལ་པ་ཡིན།། རང་བྱུང་སངས་རྒྱས་ཡེ་ཤེས་དེ།། བདེ་མཆོག་དོན་ལ་རིག་པའི་ཆོས།། དེ་རྩལ་དོན་ལ་འགྱུར་བ་མེད།། དེ་ཡང་འགག་མེད་རོལ་པ་ཡིན།། དེ་ཡི་དོན་ལ་འགྱུར་བ་མེད།། འགགས་མེད་ང་ཡི་རོལ
315b6 པ་ཡིན།། ངེས་པའི་ལུང་ལྡན་གདམས་ངག་གིས།། གདེང་ཉམས་ཆེ་བའི་དོན་ཉིད་ལ།། ཡེ་ཤེས་ང་རྒྱལ་བདག་ཉིད་ཆེ།། ངེས་པའི་དོན་དང་འབྲལ་མི་ཕོད།། སྡུག་བསྔལ་གང་ཡང་མེད་པའི་ཕྱིར།། བདེ་ཆེན་རང
iiif viewer powered by OpenSeadragon
