| e-texts navigator |
| Wylie |
315a1 པོ་ཉོན།། རང་བཞིན་སྐྱེ་མེད་སྤྲོས་དང་བྲལ།། བརྗོད་དུ་མེད་པར་རང་ཡིད་ཆེས།། རྒྱུ་རྐྱེན་མ་བསྐྱེད་དོན་གྱི་ཕྱིར།། ལྷུན་གྱིས་གྲུབ་པར་ཟག་ཆོད་དོ།། རྫོགས་པ་ཆེན་པོ་ངེས་དོན་འདུས་པ་ལས། རང
315a2 བཞིན་སྐྱེ་བ་མེད་པའི་གཏན་ཚིགས་བསྟན་པའི་ལེའུ་སྟེ་རེ་བཞི་པའོ།། །། དེ་ནས་འདུས་པའི་འཁོར་རྣམས་ལ།། ཀུན་རིག་སྟོན་པས་བཀའ་སྩལ་པ།། རོལ་པ་གང་ཡང་མི་འགག་པས།། སྐྱེ་མེད་སྐྱེ་བའི་ཆོས
315a3 འཕྲུལ་འབྱུང་།། དེ་ཕྱིར་རོལ་པ་འགག་མེད་པས།། སངས་རྒྱས་ཀུན་གྱི་ཆེ་བ་བཤད།། ད་ཡང་འདུས་པའི་སྙིང་པོ་ཉོན།། ཕྱི་ནང་འབྱུང་བ་སྣ་ཚོགས་པ།། སྣང་སྟོང་དབྱེར་མེད་ཀུན་ཁྱབ་མངའ།། མཐའ་དབུས་མེད
315a4 ལས་ཐམས་ཅད་འབྱུང་།། དེ་ཕྱིར་ནམ་མཁའ་ཀུན་གྱི་གཞི།། རྩི་ཤིང་ནགས་ཚལ་ཐམས་ཅད་བསྐྱེད།། ཐེག་ཆེན་པོ་ལ་ཀུན་གནས་པ།། བྱང་ཆུབ་དཔེར་ནི་བསྟན་པའི་ཕྱིར།། ངེས་ནི་རོལ་པ་འགག་པ་མེད།། ཐམས
315a5 ཅད་སྡུད་པར་བྱེད་པའི་ཕྱིར།། གཞི་གནས་རྣམ་དག་ཆུ་ཆེན་པོས།། མི་གཙང་གོལ་སྒྲིབ་འཁྲུད་པའི་དཔེ།། དེ་ཕྱིར་རོལ་པ་འགག་པ་མེད།། གང་ཡང་ཆགས་པའི་རྟེན་མེད་ཕྱིར།། ཤེས་བྱར་ཐོགས་མེད་ཡེ་ཤེས
315a6 རླུང་།། མ་རིག་རྣམ་རྟོག་འཐོར་བའི་དཔེ།། དེ་ཕྱིར་ཀུན་བཟང་རོལ་པར་བསྟན།། ཐམས་ཅད་མ་ལུས་ཀུན་བསྲེག་ཕྱིར།། ལྷག་མཐོང་ཡེ་ཤེས་འོད་འབར་མེ།། བྱིང་རྒོད་མཐར་འཛིན་འཇོམས་པའི་དཔེ།། དེ་ཕྱིར
iiif viewer powered by OpenSeadragon
