| e-texts navigator |
| Wylie |
314b1 འདུས་པའི་འཁོར་ལ་ཕན་དོན་དུ།། ཀུན་རིག་སེམས་ཀྱི་རྒྱལ་པོ་ལ།། བདེན་པའི་ཡིད་ཀྱིས་འདི་སྐད་གསོལ།། ཆོས་རྣམས་སྐྱེ་བ་ཇི་ལྟར་མེད།། རོལ་པ་འགག་མེད་ཇི་ལྟར་འབྱུང་།། མཚན་ཉིད་གཉིས་མེད་གཏན
314b2 ཚིགས་གང་།། རང་བློ་ངོ་བོར་ཇི་ལྟར་གྲོལ།། ཀུན་རིག་སྟོན་པས་བཤད་དུ་གསོལ།། དེ་སྐད་ཞུས་པའི་དོན་གསན་ནས།། འདུས་པའི་འཁོར་ལ་བཀའ་སྩལ་པ།། རང་བཞིན་སྐྱེ་མེད་གཏན་ཚིགས་ནི།། གཞི་ལ་སྣང
314b3 བ་མེད་པའི་ཕྱིར།། ཆོས་རྣམས་ཐམས་ཅད་སྤྲོས་དང་བྲལ།། དེ་ཕྱིར་རང་བཞིན་སྐྱེ་བ་མེད།། ཚིག་ཏུ་སྨྲ་བརྗོད་ཡུལ་ལས་འདས།། བརྗོད་མེད་དོན་ལ་ཡིད་ཆེས་ཕྱིར།། རང་གསལ་སྐྱེ་མེད་ཆོས་ཀྱི་སྐུ།། དེ་དོན་ངེས
314b4 པར་རྟོགས་པས་ཆོག། དེ་ཡང་འདུས་པའི་སྙིང་པོ་ཉོན།། ཆོས་སྐུ་སྟོང་པའི་རང་བཞིན་ལ།། ངོ་བོ་ཉིད་ཀྱིས་དམིགས་སུ་མེད།། དེ་ཕྱིར་ཡེ་ཤེས་ཀློང་གི་ལམ།། རྟོག་པས་སྨྲ་བསམ་ཡུལ་ལས་འདས།། དངོས་གཞི་མེད
314b5 ཕྱིར་སྐྱེ་བ་མེད།། སྐྱེ་མེད་དོན་དེ་སུས་རྟོགས་པ།། དེ་ནི་རྣལ་འབྱོར་དམ་པའི་ཐུགས།། སྐྱེ་མེད་དོན་ལ་ཡིད་ཆེས་པའི།། རང་བྱུང་ཐུགས་ལ་ཡེ་ཤེས་ལུས།། ཁ་དོག་དབྱིབས་སུ་མེད་པའི་ཕྱིར།། དངོས་པོ་ཡུལ་གྱི
314b6 མཐའ་ལས་འདས།། སྐྱེ་མེད་དོན་ནི་དེ་བཞིན་གཤེགས།། རང་གི་ངོ་བོ་བརྗོད་དུ་མེད།། རྒྱུ་མེད་ཕྱིར་ན་སྐྱེ་བ་མེད།། རྐྱེན་མེད་ཕྱིར་ན་འཇིག་པ་མེད།། དེ་ཕྱིར་སེམས་དང་བྲལ་བའི་ཐུགས།། དེ་ཡང་འདུས་པའི་སྙིང
iiif viewer powered by OpenSeadragon
