| e-texts navigator |
| Wylie |
314a1 ལམ་ཡིན་ཕྱིར།། སྐུ་ལྔ་ལྷུན་གྲུབ་ཡེ་ནས་རྫོགས།། འདོད་ཆགས་ལོངས་སྤྱོད་རྫོགས་པའི་སྐུ།། ཞེ་སྡང་སྦྲུལ་སྐུ་ཡེ་སངས་རྒྱས།། གཏི་མུག་ཆོས་སྐུ་མ་རིག་སངས།། ང་རྒྱལ་ངོ་བོ་ཉིད་སྐུར་དག། ཕྲག
314a2 དོག་གསང་བའི་སྐུ་རུ་རྫོགས།། དུག་ལྔ་གཅིག་ཤེས་བྱང་ཆུབ་སྐུ།། ད་ཡང་འདུས་པའི་སྙིང་པོ་ཉོན།། ཡེ་ཤེས་ཡོད་ན་མ་རིག་མེད།། དེ་ཕྱིར་ལུང་ལྡན་ངེས་པའི་དོན།། བཀའ་བརྒྱུད་ཆོས་འདི་སངས་རྒྱས
314a3 གསུང་།། མ་རིག་སེལ་བའི་སྒྲོན་མེ་ཡིན།། ཉི་ཟླས་དེ་ལ་འགྲན་མི་ནུས།། མ་རིག་མེད་ཕྱིར་སངས་རྒྱས་འགྲུབ།། ཡེ་ཤེས་ཤར་བས་ཐམས་ཅད་མཁྱེན།། ད་ཡང་རྡོ་རྗེ་སེམས་དཔའ་ཉོན།། ཐིག་ལེ་རྟོགས་པས་གང
314a4 ཡང་འགྲུབ།། ཀུན་གཞི་བརླག་པས་ཡོན་ཏན་རྫོགས།། སྣང་བ་མེད་པས་ཞིང་ཁམས་དག། སེམས་དང་བྲལ་བས་ཆོས་སྐུ་གསལ།། མ་རིག་མེད་པས་གཞི་དང་ཕྲད།། རྟེན་པ་མེད་པས་རེ་བ་མེད།། གོལ་ས་མེད་པས
314a5 ལྷུལྟུང་བ་མེད།། འཁོར་བ་མེད་པས་དོགས་པ་བྲལ།། དེ་ཡང་འདུས་པའི་སྙིང་པོ་ཉོན།། བསྒོམ་དུ་མེད་པས་ཡེངས་མི་སྲིད།། སྐྱེ་འགག་མེད་པས་བྱིང་རྒོད་སངས།། རང་བྱུང་རིག་པའི་ཡེ་ཤེས་འདི།། སུས་ཀྱང་མ་བྱས
314a6 བྱས་པ་མེད།། དེ་ཕྱིར་ཆོས་ཀྱི་སྙིང་པོ་ཡིན།། རྫོགས་པ་ཆེན་པོ་ངེས་དོན་འདུས་པ་ལས། མ་རིག་པ་གཞི་ལ་མེད་ཅིང་དག་པར་བསྟན་པའི་ལེའུ་སྟེ་རེ་གསུམ་པའོ།། །། དེ་ནས་རྡོ་རྗེ་སེམས་དཔའ་ཡིས།།
iiif viewer powered by OpenSeadragon
